Израелските одбранбени сили (ИДФ) денеска соопштија дека уште еден командант на Хезболах, Набил Каук е убиен во синоќешниот воздушен напад врз Бејрут.

Израелската армија соопшти дека Израел е во состојба на готовност за поширок конфликт откако објави дека го убила лидерот на Хезболах, Саид Хасан Насрала во Бејрут.

Израелските тимови одржаа состаноци за да разговараат за предлозите на САД за прекин на огнот во Либан и ќе продолжат со разговорите во наредните денови, изјави денеска израелскиот премиер Бенјамин Нетанјаху, додавајќи дека ги цени американските напори.

Израелскиот премиер Бенјамин Нетанјаху го нарече убиениот шеф на Хезболах „централниот мотор“ на иранската „оска на злото“ и потврди дека Израел стои зад неговото убиство.

Министерството за здравство на Хутите во Јемен објави дека четири лица се загинати, а 29 се повредени по денешните израелски напади.

Израелската војска потврди дека нападнала цели на хутите во Јемен.

Десничарската Партија на слободата на Австрија (FPÖ) е победник на изборите за новиот состав на австрискиот парламент – Националниот совет (Nationalrat), според првите прогнози врз основа на преброените гласови, но отворено е дали ќе го добие мандатот да формира влада.

Австријците денеска гласаат на парламентарни избори на кои, според анкетите, за првпат би можела да победи крајнодесничарската опозициска Партија на слободата (ФПО). Пред пет години, партијата испадна од коалициската влада со конзервативната Народна партија поради корупциски скандал.

Трамп, кој, како што пишува „Њујорк тајмс“, често ги доведувал во прашање менталните способности на американскиот претседател Џо Бајден, на предизборен митинг во Висконсин изјавил дека „Џо Бајден станал ментален инвалид, а Камала е така родена“.

Резултатите од истражувањето спроведено од „Њујорк тајмс“ и колеџот Сиена покажаа дека кандидатите на претседателските избори во САД, републиканецот Доналд Трамп и демократката Камала Харис, имаат речиси подеднаква поддршка од гласачите во сојузните држави Мичиген и Висконсин, кои се сметаат за клучни за исходот на претстојните претседателски избори во САД.

Американската воена помош од осум милијарди долари за Украина е „неверојатна грешка и лудост“, изјави Ким Јо Џонг, сестра на севернокорејскиот лидер Ким Џонг Ун. Таа предупреди дека САД и Западот „си играат со оган“ во односите со Русија, нуклеарна суперсила.