Експлозии се регистрирани над израелскиот град Ерусалим, јавија западни медиуми.

Иранското Министерство за надворешни работи денеска соопшти дека земјата нема да ги остави без одговор „криминалните активности на Израел“.

Иран ги информирал „меѓународните страни“ за големината и времето на неговиот очекуван напад врз Израел, изјави претставник на американското Министерство за одбрана за Скај Њуз Арабија.

Неименуван висок функционер на Белата куќа изјави дека „САД имаат индиции дека Иран се подготвува наскоро да изврши напад со балистички ракети врз Израел“, пренесе АФП.

Доцна попладнево неколку лица биле ранети во напад во Тел Авив, Израел, кога врз минувачите пукале непознати лица.

Сојузниците во НАТО се соочуваат со сериозни предизвици и мора да работиме на справување со нив, согласно определбата за изградба на побезбеден свет за милијарда наши граѓани, порача новиот генерален секретар на Алијансата, Марк Руте, на прес-конференција во Брисел по неговото денешно стапување на должноста.

Еден од генералните секретари на НАТО со најдолг мандат, Јенс Столтенберг, денеска ќе му ги предаде должностите на поранешниот холандски премиер Марк Руте, во време кога Алијансата се соочува со некои од најголемите предизвици во својата историја.

Членките на НАТО не треба да се откажат од испраќање поголема воена помош за Украина поради непромислената нуклеарна реторика на рускиот претседател Владимир Путин, изјави денеска во интервју за Ројтерс генералниот секретар на НАТО во заминување Јенс Столтенберг.

Претседателот на Соединетите Американски Држави Џо Бајден ѝ нареди на американската војска да помогне во одбраната на Израел од иранските напади и да ги соборува ракети насочени кон Израел, соопшти Советот за национална безбедност на Белата куќа.

Американскиот претседател Џозеф Бајден изјави денеска дека САД се подготвени да му помогнат на Израел да се одбрани од иранските ракетни напади и да ја заштитат американската војска во регионот.

Израел започна нова фаза од војната против Хезболах додека израелските одбранбени сили тргнаа на копнен упад во јужен Либан, објави Си-Ен-Ен повикувајќи се на прес-службата на ИД. „ИД пред неколку часа започна целна и ограничена копнена операција во областа на јужен Либан против терористички цели и инфраструктури на терористичката организација Хезболах, во голем број села во близина на границата, кои претставуваат непосредна и реална закана за израелските населби. на северната граница“, се вели во соопштението објавено рано во вторник по локално време.

Израелските одбранбени сили (ИДФ) денеска соопштија дека уште еден висок функционер на Хезболах, командантот Набил Каук, бил убиен во синоќешниот воздушен напад врз Бејрут.

Заменик-шефот на Хезболах рече дека милитантната група со седиште во Либан е подготвена да ја продолжи својата борба против Израел и е подготвена за долга војна.

Израелската армија (ИДФ) денеска соопшти дека заврши широкиот бран напади врз командните простории на Хезболах низ Либан.