Израелскиот премиер Бенјамин Нетанјаху синоќа изјави дека нападот на Иран врз неговата земја не успеал и вети дека ќе возврати.

Иранскиот напад врз Израел се покажа „неефикасен“ и беше одбиен од израелските сили за противвоздушна одбрана со поддршка на САД, изјави синоќа советникот за национална безбедност на Белата куќа, Џејк Саливан.

Советникот за национална безбедност Џејк Саливан одржа прес-конференција во Белата куќа.

Израел завчера започна копнена инвазија во Либан, а вчеравечер дојде до нова ескалација – израелската армија соопшти дека од Иран биле истрелани ракети кон Израел.

Во директен пренос на Си-Ен-Ен, снимен е драматичен момент во кој новинар на Си-Ен-Ен бил итно принуден да побара засолниште во моментот на известувањето, додека фрагменти од ирански ракети паѓаат над Тел Авив.

Меѓу целите на вечерашниот ирански ракетен напад врз Израел беа аеродроми и писти, како и канцелариите на израелската меѓународна разузнавачка служба Мосад, јави Си-Ен-Ен. – Цел (на иранскиот напад) беше и штабот на Мосад, кој се наоѓа во северниот дел на Тел Авив, во густо населена област и постои загриженост, и покрај тоа што Иран го смета за воена цел, тоа е густо населена област каде што живеат многу цивили, рече новинарот на Си-Ен-Ен од Тел Авив, Џим Шиуто.

Најмалку седум лица се ранети во пукање доцна попладнево во трговски центар во Тел Авив, според службите за итни случаи, во, како што соопшти полицијата, сомнителен „терористички“ напад.

Министерството за надворешни работи и надворешна трговија го осудува синоќешниот ирански ракетен напад врз Израел, како и терористичкиот напад во Тел Авив, при што беа убиени шест цивили.

Македонската амбасада во тел Авив е во контакт со израелските надлежни институции од каде се чека потврда дека меѓу жртвите и повредените во синоќешниот ирански напад врз Израел нема македонски државјани, информираат од Министерството за надворешни работи и надворешна трговија.

Израелскиот министерот за надворешни работи, Израел Кац изјави дека на генералниот секретар на Обединетите нации, Антонио Гутереш му е забранет пристапот во земјата поради, како што тој смета, неговата антиизраелска пристрасност.