Флорида се подготвува за една од најсилните тропски бури во последните сто години.
Ураганот Милтон од петта категорија денеска ќе го погоди регионот на заливот Тампа во Флорида, соопштија метеоролошките служби, а градоначалничката на Тампа Џејн Кастор ги предупреди жителите да ги слушаат властите и да се евакуираат.
Флорида се соочува со нова закана од невреме, со врнежи и силен ветер кои се очекуваат од понеделник навечер, продолжувајќи и во текот на вторник и среда.
Бурата Милтон, која се движи кон Флорида, е намалена од највисоката категорија 5 на ниво 4, објави американскиот Национален центар за урагани (NHC). Меѓутоа, во текот на денот ураганот повторно би можел да го достигне најсилното ниво и се заканува повторно да ја погоди и онака погодената од невремето американска држава.