Иран ги осудува новите санкции на ЕУ и Велика Британија против официјален Техеран и негира дека и доставил балистички ракети на Русија, објави денеска на својот „Х“ профил портпаролот на иранското Министерство за надворешни работи, Есмаил Багаи.

Украинскиот претседател Володимир Зеленски денеска во Врховната рада го претстави „планот за победа“, кој се состои од пет клучни точки, пренесува Киев Индипендент.

Претседателот на Европскиот совет, Шарл Мишел, денеска го покани претседателот на Украина, Володимир Зеленски, на самитот на лидерите на земјите-членки на ЕУ. „Го поканив претседателот Володимир Зеленски на самитот на Европскиот совет во четврток, 17 октомври, за да ги разгледаме најновите настани во руската војна против Украина и тој да го претстави својот план за победа“, напиша Мишел на платформата Х. Од 17 до 18 октомври во Брисел ќе се одржи состанок на Европскиот совет на кој лидерите на ЕУ ќе разговараат за развојот на ситуацијата во Украина и за другите важни прашања од внатрешната и надворешната политика на Европската унија.

Генералниот секретар на НАТО, Марк Руте, рече дека „планот за победа“ на украинскиот претседател Володимир Зеленски е добар сигнал, но дека, како што сега стојат работите, тој не може целосно да го поддржи.

Израелските медиуми јавуваат дека премиерот Бенјамин Нетанјаху, министерот за одбрана Јоав Галант и други министри се согласиле за обемот и времето на нападот врз Иран – пренесе „Анадолија“.

Пентагон објави дека ќе испрати ракетен одбранбен систем THAAD (Terminal High Altitude Area Defense) и негов персонал во Израел, во момент кога Израел размислува за одмазднички напади против Иран, објави Њујорк Тајмс.

Израел ќе ги слуша САД, но ќе донесува одлуки за нејзините постапки во согласност со своите национални интереси.

Земјите-членки на Европската унија кои имаат контингенти во привремените сили на Обединетите нации во Либан (УНИФИЛ) немаат намера да се повлечат од јужен Либан и покрај повиците од Израел, изјави денеска австрискиот министер за европски и меѓународни прашања Александар Шаленберг.

Израелскиот премиер Бенјамин Нетанјаху денеска изјави дека Израел ќе продолжи со „безмилосните напади врз Хезболах, вклучително и во Бејрут“.

Соединетите Американски Држави испратија писмо до Израел во кое бараат да се зголеми хуманитарната помош во Газа во рок од 30 дена.

Администрацијата на американскиот претседател Џо Бајден испрати писмо до израелската Влада во кое бара таа да работи на подобрување на хуманитарната ситуација во Газа во следните 30 дена или ризикува да ги прекрши американските закони со кои се регулира странската воена помош, јави Си-Ен-Ен. Писмото, заеднички напишано од американскиот државен секретар Ентони Блинкен и министерот за одбрана Лојд Остин, беше упатено до израелскиот министер за одбрана Јоав Галант и министерот за стратешки прашања Рон Дермер.