Портпаролката на шпанската влада Пилар Алегрија денеска изјави дека Мадрид се противи на создавање центри за мигранти во земји надвор од ЕУ, според моделот на договорот меѓу Италија и Албанија, откако претседателката на ЕК Урсула фон дер Лајен ги повика лидерите на Унијата да го разгледаат ова прашање.

Европската комисија ќе предложи нов закон кој ќе го поддржи протерувањето на илегалните мигранти, порача претседателката на Европската комисија Урсула фон дер Лајен во писмото до членките на ЕУ. „Комисијата ќе претстави нов предлог-закон“ со „јасни обврски за соработка за вратените лица и желба за ефикасно рационализирање на процесот на враќање“, рече Фон дер Лајен како одговор на барањето на неколку земји-членки на ЕУ. „Потребна ни е нова правна рамка за да го зајакнеме нашиот капацитет за дејствување“, објасни таа во писмото пред самитот на ЕУ во четврток и петок во Брисел, кој делумно ќе биде посветен на прашањата за мигрантите.

Претседателката на Европската комисија, Урсула фон дер Лајен, побара од лидерите на земјите од ЕУ илегалните имигранти да бидат депортирани во центри надвор од границите на Унијата и таму да чекаат одлука дали можат да добијат азил.

Во Берлин денеска почна средбата на лидерите на земјите од Западен Балкан и претставници на Европската унија во рамките на Берлинскиот процес.

Германскиот канцелар Олаф Шолц денеска на отворањето на Берлинскиот процес изјави дека ЕУ е комплетна само со Западен Балкан како нејзин дел.

Покрај стремежите кон европска интеграција и поголема демократизација на регионот, младите луѓе од Западен Балкан ги обединуваат заеднички предизвици, а зголемената соработка меѓу младите е клучен чекор кон помирување и надминување на денешните проблеми.

Министерот за социјална политика, демографија и млади, Фатмир Лимани на маргините на Форумот на млади во рамки на Берлинскиот процес, оствари средба со државната министерка за млади и деца на Албанија, Бора Мужаќи.

Откако Советот минатата недела ги одобри реформските агенди на земјите од Западниот Балкан кандидати за членство во ЕУ, очекуваме првите исплати на средства во рамки на Планот за раст на регионот да бидат реализирани уште во текот на овој месец, соопшти денеска еврокомесарот за проширување и соседска политика Оливер Вархеји.

Украинскиот претседател Володимир Зеленски денеска во Врховната рада го претстави „планот за победа“, кој се состои од пет клучни точки, пренесува Киев Индипендент.

Претседателот на Европскиот совет, Шарл Мишел, денеска го покани претседателот на Украина, Володимир Зеленски, на самитот на лидерите на земјите-членки на ЕУ. „Го поканив претседателот Володимир Зеленски на самитот на Европскиот совет во четврток, 17 октомври, за да ги разгледаме најновите настани во руската војна против Украина и тој да го претстави својот план за победа“, напиша Мишел на платформата Х. Од 17 до 18 октомври во Брисел ќе се одржи состанок на Европскиот совет на кој лидерите на ЕУ ќе разговараат за развојот на ситуацијата во Украина и за другите важни прашања од внатрешната и надворешната политика на Европската унија.

Генералниот секретар на НАТО, Марк Руте, рече дека „планот за победа“ на украинскиот претседател Володимир Зеленски е добар сигнал, но дека, како што сега стојат работите, тој не може целосно да го поддржи.