Aмериканскиот државен секретар Ентони Блинкен на денешната средба со израелскиот премиер Бенјамин Нетанјаху, повика Израел да ги искористи можностите што се појавија по смртта на лидерот на радикалната палестинска група „Хамас“, Јахја Синвар, за да се обезбеди ослободување на израелските заложници, кои ги држи „Хамас“ во Појасот Газа од почетокот на израелско-палестинскиот конфликт на 7 октомври минатата година, и да стави крај на конфликтот, јавија светските агенции, повикувајќи се на соопштение на американскиот Стејт департмент.

Американскиот државен секретар Ентони Блинкен денеска пристигна во Израел на средби со израелските лидери, што е прва станица од неговата блискоисточна турнеја која вклучува посети на Јордан и Катар.

Палестинското исламистичко движење Хамас, чиј нов челник Јахја Синвар неодамна беше убиен од израелската армија, привремено ќе биде предводена од комитет со седиште во Катар, пред да се избере неговиот наследник, изјавиле два извора од палестинската милитантна групација.

Вдовицата на Јахја Синвар, неодамна ликвидираниот лидер на милитантната група Хамас, трча со црна торба „Биркин“ во еден од тајните подземни бункери, сугерира снимка која ја објави израелската војска, . Самар Абу Замар(44) носи торба која, според гласините на социјалните мрежи, чини 32.000 долари и е од парискиот луксузен бренд „Хермес“.

Ким Јо Јонг, сестрата на севернокорејскиот лидер Ким Јонг Ун, ги нападна Украина и Јужна Кореја по извештаите дека Пјонгјанг испраќа војници во Русија, нарекувајќи ги двете земји „лоши кучиња одгледани од САД“ и заканувајќи се со нуклеарно оружје.

Од септември 2023 година, покрај руските ракети и гранати, врз главите на Украинците почнаа да паѓаат и севернокорејски балистички ракети KN 23/Hwasong 11Ga.

Јужнокорејското Министерство за надворешни работи го повика рускиот амбасадор во Сеул поради очигледното распоредување на севернокорејски војници во Русија, јави денеска новинската агенција Јонхап.

Северна Кореја синоќа ги негираше информациите дека и обезбедува војници на Русија кои би можеле да се употребат во конфликтот во Украина.

Американската војска го распореди напредниот противракетен систем THAAD во Израел за краток временски период, изјави денеска американскиот секретар за одбрана Лојд Остин, додавајќи дека овој потег има за цел да ја зајакне одбраната на Израел откако Иран на 1 октомври лансираше повеќе од 180 балистички ракети.

Војската на САД го пренесе својот напреден противракетен систем во Израел и тој сега е „на место“, рече министерот за одбрана Лојд Остин.

Посилен сум од кога било, порача поранешниот претседател на Албанија и лидер на Партијата на слободата, Илир Мета во својата прва реакција по вчерашното негово апсење поради сомнежи за корупција.

По налог на Специјалното обвинителство против организиран криминал и корупција, попладнево уапсен е Илир Мета, поранешен албански претседател и актуелен лидер на опозициската Партија на слободата.

Огранокот на Партијата на слободата за општина Пустец, остро реагираше во однос на апсењето на партискиот лидер Илир Мета и „нечовечкиот однос при овој чин“.