Населението на Украина се намалило за 10 милиони луѓе или околу една четвртина од почетокот на руската инвазија, соопшти ОН. - Намалувањето се должи на бегалскиот бран, падот на наталитетот и загинатите во војната, изјави Флоранс Бауер, регионална директорка за Источна Европа на Фондот за население на ОН. Таа истакна дека уште пред инвазијата Украина се соочуваше со демографски предизвици, а војната ја влоши состојбата.

Посилен сум од кога било, порача поранешниот претседател на Албанија и лидер на Партијата на слободата, Илир Мета во својата прва реакција по вчерашното негово апсење поради сомнежи за корупција.

Илир Мета, поранешен претседател, премиер и претседател на Собранието на Албанија денеска беше уапсен по наредба на Специјалното обвинителство против организиран криминал и корупција, СПАК.

Украинскиот претседател Володимир Зеленски изјави дека неговата земја не бара од западните сојузници нуклеарно оружје за да се бори против руската инвазија.

Словачкиот премиер Роберт Фицо по денешната средба со лидерите на Србија и Унгарија изјави дека „не може да замисли некој да ја престигне Србија на патот кон Европската унија“.

Соработката на Европската Унија со земјите од Западен Балкан, особено со Србија, е еден од клучните фактори за подобрување на миграциската ситуација во Европа.

Австрискиот претседател Александер ван дер Белен, неколку недели по парламентарните избори во Австрија, му го довери мандатот за формирање нова влада на актуелниот канцелар и лидер на второпласираната Австриска Народна партија (ОВП), Карл Нехамер.

Во вторникот, неколку седмици по парламентарните избори во Австрија, австрискиот претседател Александар ван дер Белен му го даде мандатот за формирање влада на Карл Нехамер, поранешен канцелар и претседател на второпласираната Австриска народна партија (ÖVP). „За време на разговорите последните седмици, се покажа дека Партијата на слободата на Австрија (FPÖ) и нејзиниот претседател Херберт Кикл не можат да најдат коалициски партнер“, ја објасни својата одлука Александар ван дер Белен да му го довери мандатот на второпласираната ÖVP и нејзиниот претседател Карл Нехамер, наместо релативниот победник на изборите за FPÖ. Ван дер Белен рече дека ÖVP и третопласираната Социјалдемократска партија на Австрија (SPÖ) на изборите на крајот од септември објасниле во разговорите дека „од страв за демократијата и владеењето на правото“ не можат да коалицираат со крајно десничарската партија FPÖ. Овие партии го објаснија своето одбивање да соработуваат со десничарските „слободарци“ со нивната блискост со Русија и „недостигот од дистанца“ од радикалните десничарски сили во Австрија.