Израел и Либан го прифатија договорот за прекин на огнот за да се стави крај на борбите на Израел со Хезболах, објави американскиот претседател Џо Бајден.

Израелската влада вечерва на владина седница официјално ќе гласа за примирје со исламистичката група Хезболах со која војува повеќе од една година.

Либанскиот медиум Ал-Џадид попладнево објави дека вечерва во 22 часот ( 21 часот по средноевропско време) ќе биде лиферувано заедничко американско-француско соопштение за постигнат прекин на огнот во Либан.

Израел бара од ОН ефикасно спроведување на договорот за прекин на огнот во Либан и ќе покаже „нула толеранција“ за секое негово прекршување, изјави денеска министерот за одбрана Израел Кац, пренесен од британските медиуми.

Американскиот специјален обвинител Џек Смит побара синоќа федералниот случај поврзан со незаконското поседување доверливи документи против новоизбраниот американски претседател Доналд Трамп да биде суспендиран, бидејќи има законски ограничувања за гонење на претседателот.

Кривичниот прогон против Доналд Трамп, кој беше обвинет за обид за поништување на резултатот од изборите во 2020 година, денеска беше прекинат откако обвинителството побара отфрлање на овој и друг случај против избраниот претседател, повикувајќи се на политиката на Министерството за правда која забранува кривично гонење на актуелен претседател.

Тимот на новоизбраниот претседател Доналд Трамп подготвува амбициозен план за енергетската политика на Соединетите Американски Држави, кој вклучува значително зголемување на производството на нафта и забрзување на одобрувањето на дозволите за извоз на течен природен гас (ЛНГ). Според извори на Ројтерс, овие планови ќе бидат обелоденети неколку дена откако Трамп ќе ја преземе функцијата на 20 јануари.

Ниту САД, ниту Кина нема да победат од трговска војна, изјави портпаролот на кинеската амбасада во Вашингтон, Лиу Пенгвеи во денешното соопштение.

Новоизбраниот американски претседател Доналд Трамп најави дека ќе воведе огромни нови царини за производи од Мексико, Канада и Кина штом ќе ја преземе функцијата, како дел од напорите за сузбивање на илегалната имиграција и трговијата со дрога.

Независниот ултрадесничарски кандидат Калин Георгеску води со 22,84 отсто по првиот круг на претседателските избори во Романија.

Малку познатиот екстремно десничарски популист Калин Георгеску, кој се кандидираше како независен кандидат, го презеде водството на претседателските избори во Романија во неделата, покажаа изборните податоци, и најверојатно ќе се соочи со левичарскиот премиер Марсело Колку во вториот круг за две недели, што е исход што ја потресе политичката сцена на таа земја.

Претседателот на Србија, Александар Вучиќ изјави дека вчерашните настани во Собранието, каде дошло до физичка пресметка меѓу пратениците од опозицијата и власта, биле кулминација на сето она што се случувало на улиците во претходните денови, оценувајќи дека тоа е политички автогол на опозицијата.

Претседателот на Србија, Александар Вучиќ, синоќа гостуваше на британскиот јавен сервис Би-Би-Си каде изјави дека цел на државата е да стане полноправна членка на Европската унија и дека никогаш не го признале Косово.