Администрацијата на американскиот претседател Џо Бајден е чекор поблиску до спроведувањето на продажбата на пакетот оружје за Израел од 680 милиони долари, изјави американски официјален претставник запознаен со планот, и покрај прекинот на огнот со посредство на САД меѓу Израел и либанската вооружена група Хезболах.

Хамас соопшти дека е „подготвен“ за примирје во Газа по прекинот на огнот меѓу Израел и Хезболах, пренесува АФП.

Привремениот премиер на Либан, Наџиб Микати, побара Израел целосно да се придржува до новиот договор за прекин на огнот и да се повлече од сите региони и позиции што ги зазеде досега.

Владејачката партија во Грузија објави дека земјата ќе ги прекине преговорите со Европската Унија до 2028 година и ќе го отфрли европското финансирање, со што практично ќе ја запре својата кандидатура за членство.

Владеачката партија во Грузија го избра поранешниот фудбалер на Манчестер Сити, Михаил Кавелашвили за претседателски кандидат, објави на денешниот брифинг претседателот на Грузискиот сон, Бидзина Иванишвили.

Борбата за слобода „не поврзува како Европејци“ и таа е причината за постоењето на нашата Унија и денес станува нејзина движечка сила повеќе од кога било досега, порача денеска претседателката на Европската комисија, Урсула фон дер Лајен во обраќањето пред Европскиот парламент во пресрет на денешното гласање за одобрување на новиот Колеџ на комесари.

Европскиот парламент денеска со 370 гласа „за“, 282 „против“ и 36 „воздржани“ го одобри изборот на новата Европска комисија на Урсула фон дер Лајен.

Европскиот парламент денеска ја одобри новата Европска Комисија на чело со Урсула фон дер Лајен, во чии рамки комесарка за проширување ќе биде Марта Кос од Словенија, додека висока претставничка за надворешна и безбедносна политика на ЕУ ќе биде Каја Калас од Естонија.

Два дена откако новоизбраниот американски претседател Доналд Трамп се закани дека ќе воведе нови високи царини за Канада и Мексико како дел од напорите за сузбивање на илегалната миграција и на дрога, објави дека разговарал со мексиканската претседателка Класија Шејнбаум и дека „таа се согласила да престане миграција низ Мексико“.

Украинскиот пратеник Александар Мережко, член на партијата „Слуги на народот“ и претседател на парламентарната комисија за надворешна политика, го предложи новоизбраниот американски претседател Доналд Трамп за Нобеловата награда за мир во 2025 година.

Новоизбраниот претседател Доналд Трамп потпиша, по долго одложување, Меморандум за разбирање со Белата куќа, што ќе им овозможи на кандидатите за нови позиции да се сретнат со колегите во одделите и агенциите, пред јануарската транзиција на власта.

Неколку номинирани и именувани функционери во идната администрација на новоизбраниот претседател на Соединетите Американски Држави, Доналд Трамп, биле цел на насилни закани, вклучително и закани со бомби, изјави денеска портпаролката на Трамп, Каролин Ливит.