Знаеме дека тоа не е вистина.

Ваквите реакции следат и по заканите на идниот американски потпретседател со санкции кон ЕУ доколку преземе мерки против американските ИТ компании, пред се против Икс и нејзиниот сопственик Маск, кој беше активно вклучен во неговата и кампањата на Трамп на ланските претседателски избори во САД.

Во Европа слободата на говорот е една од нашите фундаментални вредности и таа, исто така, се почитува и е заштитена со нашиот Закон за дигитални услуги (ДСА). Значи, многу е погрешно да се каже нешто такво, изјави Виркунен за „Политико“.

Виркунен во друга изјава порача и дека тимот задолжен за мониторинг на почитувањето на ДСА би можел да започне понатамошни истраги за кршење на правилата на ЕУ за „умереност на содржината“, поврзани со „неодамнешните активности“ на американските технолошки магнати, како Цукерберг и Маск.

Тој дополнително најави и прекин на програмата на „Мета“ за проверка на факти од трета независна страна на територијата на САД, по што слична одлука се очекува и за во ЕУ. Еврокомисијата засега најави дека ги разгледува проценките за влијанието на најавените ажурирања на политиките за умереност поднесени од „Мета“ во однос на Фејсбук и Инстаграм и дека ќе се фокусира на „промените во дефинициите за говорот на омраза и за однесување поттикнато од омраза“ на овие две социјални мрежи.

На обвинувањата на првите луѓе на американските технолошки гиганти реагираа и министрите за дигитална технологија на Германија и Франција, Фолкер Висинг и Клара Шапаз, кои изјавија дека нивните земји „сериозно“ го сфаќаат проблемот и изразија доверба во Европската комисија дека таа „темелно ќе ги истражи“ ваквите тврдења и дека ќе ги „процени“ одредбите од ДСА кои се однесуваат на „умереност на содржините“ објавени на социјалните мрежи.

Изјавата на Виркунен претставува реакција на изјавата на Цукерберг кој обвини дека со ДСА се воведува цензура во ЕУ. – Европа има се поголем број закони што ја институционализираат цензурата и го отежнуваат создавањето на нешто иновативно, порача Цукерберг.

Аналитичарите оценуваат дека благата реакција на ЕУ на обвинувањата од другата страна на Атлантикот претставуваат обид за купување време во услови кога претседателката на Еврокомисијата, Урсула фон дер Лајен закрепнува од пневмонија, Германија ја очекуваат неизвесни парламентарни избори, а нестабилната Влада на Франција може да биде соборена при претстојното гласање за недоверба во Парламентот.

Извршната потпретседателка на Европската комисија за технолошки суверенитет, безбедност и демократија Хена Виркунен ги отфрли обвинувањата на првиот човек на „Мета“, Марк Цукерберг дека ЕУ се обидува да ги цензурира социјалните мрежи, оценувајќи ги ваквите тврдења како лажни.

Комисијата во моментов истражува шест потенцијални прекршувања на ДСА од страна на Икс, вклучително и такви поврзани со политиките за говорот на омраза, нивото на умереност на насилните содржини, проверката на факти, транспарентноста на рекламирањето и непочитувањето на барањата за верификација и за пристап до податоците за овластените органи.