Претседателот на Владата Христијан Мицкоски ќе присуствува на инаугурацијата како лидер од Балканот.

Инаугурацијата на новоизбраниот американски претседател ќе се одржи на 20 јануари, а според досегашните информации, на неа ќе учествуваат бројни десничарски популисти.

Портпаролот на израелската Влада денеска изјави дека владата нема да се состане додека палестинското движење Хамас не ги прифати условите од договорот за прекин на огнот.

Палестинската милитантна група Хамас го прифати нацрт-договорот за прекин на огнот во Појасот Газа и за ослободување на десетици заложници, изјавија двајца неименувани претставници вклучени во преговорите во Доха.

Катарскиот премиер Мохамед бин Абдулрахман Ал Тани рече дека посредниците очекуваат договорот за прекин на огнот меѓу Израел и Хамас да стапи на сила в недела, 19 јануари.

Џо Бајден, претседател на САД во заминување, во проштално обраќање синоќа од својот кабинет во Белата куќа предупреди дека во Америка се формира „опасна“ олигархија која е закана за демократијата и слободниот свет.

Албанските власти ја прогласија за „стратешки инвеститор“ компанијата на познатиот американски бизнисмен и инвеститор, Џаред Кушнер, зетот на новоизбраниот претседател Доналд Трамп, кој на ненаселен остров во близина на јужниот брег на земјата, ќе гради луксузни одморалишта.

Канадскиот премиер Џастин Трудо изјави синоќа дека „ништо не е исклучено“ кога станува збор за одговор на воведувањето царина од 25 отсто на канадски производи предложена од новоизбраниот претседател на САД, Доналд Трамп, и оти ниту еден регион во земјата не треба да го сноси целиот товар од ова несогласување.

Британскиот премиер Кир Стармер пристигна во Украина во четвртокот, во негова прва посета на Украина откако ја презеде функцијата, со ветување дека ќе помогне да се гарантира безбедноста на земјата, неколку дена пред Доналд Трамп да положи заклетва како американски претседател.