Украинскиот претседател Володимир Зеленски денеска имаше средба со специјалниот претставник на Трамп за Украина и Русија, Кит Келог, за која информираше на социјалните мрежи.

Американскиот претседател Доналд Трамп во своите најнови изјави даде најнепријателски коментари за Украина досега, нанесувајќи и нов удар на земјата и нов поттик на рускиот претседател Владимир Путин, оценува Си-Ен-Ен. Откако го исклучи украинскиот претседател Володимир Зеленски од првите разговори меѓу САД и Русија за завршување на војната, одржани во Ријад во вторникот, Трамп ја обвини Украина за започнување на конфликт што ја опустоши нејзината земја и уби илјадници нејзини луѓе, објави американската телевизија.

Американскиот потпретседател Џеј Ди Венс го предупреди украинскиот претседател Володимир Зеленски да не го критикува јавно претседателот на САД, Доналд Трамп, зашто, како што вели, таквите забелешки се контрапродуктивни и потенцијално би им наштетиле на односите Киев-Вашингтон.

Украинскиот претседател Володимир Зеленски на денешната прес-конференција изјави дека неговата земја се надева на „сојузничка позиција во Европа, ЕУ и САД“ во, како што ја нарече, „неправедната војна“ против Украина, јави Би-би-си. – Не е лесно, но Киев работи на тоа – изјави Зеленски, додавајќи дека Украина се обидува да организира средби, без да открие детали за учесниците.

Официјален претставник на Хамас денеска изјави дека телото на заложничката Шири Бибас, што утринава беше предадено на Израел, најверојатно по грешка било идентификувано со телата на другите заложници кои загинале под урнатините во Појасот Газа.

Израел доби список со имињата на загинатите заложници, чии тела се очекува денеска да бидат вратени од палестинската исламистичка група Хамас.

Хамас во средата посочи дека е подготвен да ги ослободи сите преостанати заложници во Газа во една размена како дел од следната фаза од договорот за прекин на огнот.

Хагари денеска изјави дека киднаперите од палестинската милитантна група Хамас ги убиле децата Ариел и Кфир Бибас „со голи раце“ . Портпаролот на израелската војска Даниел Хагари денеска изјави дека киднаперите од палестинската милитантна група Хамас ги убиле децата Ариел и Кфир Бибас „со голи раце“ неколку недели по нивното киднапирање на 7 октомври 2023 година, во јужен Израел, чии тела му беа предадени на Израел во четвртокот.

Триесетгодишен маж, турист од Шпанија, е тешко повреден во напад со нож кај споменикот на Холокаустот во Берлин, соопшти германската полиција.

Русија им наложи на своите пропагандисти да прогласат „победа“ во војната „против Украина и НАТО“ на 24 февруари, на третата годишнина од нејзината целосна инвазија, тврди Украинската воена разузнавачка служба (ХУР), а пренесува „Киев Индипендент“.

Полскиот претседател Анджеј Дуда денеска телефонски разговарал со украинскиот претседател Володимир Зеленски, при што му порачал да остане „посветен на мирната и конструктивна соработка“ со американскиот претседател Доналд Трамп.