Италијанската премиерка Џорџа Мелони изјави дека праведен мир во Украина е можен само доколку НАТО им обезбеди безбедносни гаранции.

Украина го нападна јужниот руски регион Краснодар со голем број беспилотни летала во текот на ноќта, оштетувајќи неколку куќи, вклучително и една во црноморското пристаниште Туапсе, соопштија руските власти.

Сериозни инциденти се случија во центарот на Атина по завршувањето на официјалниот дел од протестот за двегодишнината од железничката несреќа кај Темпи, јави дописничката на МИА од Атина.

Во Грција денеска генерален штрајк за двегодишнината од несреќата кај Темпи] Масовни протести во Атина во очи на одбележувањето на двегодишнината од трагичната железничка сообраќајна несреќа кај Темпи во која директно се судрија два воза, при што загинаа 57 лица.

Портпаролката на Стејт департментот, Тами Брус, на „Х“ објави дека Стејт департментот ја поддржува првостепената пресуда против претседателот на Република Српска, Милорад Додик.

Претседателот на Република Српска, Милорад Додик е прогласен за виновен пред Судот на БиХ по обвинението за „непочитување на одлуките“ на Кристијан Шмит, додека вршителот на должноста директор на „Службен весник“ на Република Српска, Милош Лукиќ е ослободен од одговорност.

Ја нагласуваме важноста од целосно почитување на институциите на Босна и Херцеговина и независноста на нејзиното судство и потенцираме дека притисок врз судството и заплашувањето на судиите се неприфатливи, порачаа во заедничка изјава постојаниот известувач за БиХ на Комитетот за надворешни работи на Европскиот парламент, чешкиот европратеник Онджеј Колаж и претседавачот на Делегацијата на ЕП за односи со БиХ и Косово, хрватскиот европратеник Давор Иво Стиер по повод изречените пресуди за претседателот на Република Српска, Милорад Додик и поранешниот в.д. директор на „Службениот весник на РС“, Милош Лукиќ.

Претседателот на Република Српска, Милорад Додик, изјави дека е подготвен да разговара со сите претставници на бошњачкиот и хрватскиот народ и да ги отвори сите теми за тоа како Босна и Херцеговина да стане уставна и одржлива за сите, но дека српскиот народ нема да се придржува до правилата според кои ги губи сите права што ги стекнал.

Францускиот претседател Емануел Макрон ги повика Европејците да го отфрлат „среќниот вазализам“ кон Соединетите држави, особено во светлината на непредвидливоста на администрацијата на американскиот претседател Доналд Трамп, како во однос на ситуацијата во Украина, така и во однос на прашањето за царините.

Францускиот претседател Емануел Макрон денеска преку видео-конференција треба да ги информира лидерите на Европската унија за неговите разговори со американскиот претседател Доналд Трамп.