Израелската војска соопшти дека нападнала цели низ Газа рано утринава, ставајќи крај на повеќенеделниот ќор-сокак околу продолжувањето на примирјето што ги прекина борбите во јануари, при што палестинското Министерство за здравство извести за најмалку 320 смртни случаи.

Најмалку 200 лица загинаа во израелски воздушни напади врз Појасот Газа, соопштија палестинските здравствени власти, откако рано утрово беа погодени десетици цели во енклавата, со што беше ставен крај на неколкунеделниот обид за продолжувањето на прекинот на огнот, кој ги запре борбите во јануари.

Белата куќа соопшти дека групата Хамас избрала војна со тоа што одбила да ги ослободи заложниците во Појасот Газа, пренесоа француските медиуми.

Генералниот секретар на Обединетите нации (ОН), Антонио Гутереш, е „шокиран од израелските напади“ врз Појасот Газа, изјави денеска портпаролот на ОН. – Гутереш испрати итен апел за почитување на прекинот на огнот, повторно воспоставување на хуманитарната помош и безусловно ослободување на преостанатите заложници – изјави портпаролот Роландо Гомес.

Бројот на загинати во израелското гранатирање во Појасот Газа достигна 413, јавија ДПА, повикувајќи се на здравствените власти во палестинската енклава која ја контролира Хамас.

Многу од елементите на конечниот договор за Украина се договорени, но останува и многу работа, изјави синоќа американскиот претседател Доналд Трамп пред разговорот со рускиот колега Владимир Путин.

Претседателот на САД, Доналд Трамп, најави дека планира во вторникот да разговара со претседателот на Русија, Владимир Путин.

Портпаролот на Кремљ Дмитриј Песков потврди дека рускиот претседател во вторник телефонски ќе разговара со неговиот американскиот колега, . Запрашан за планираниот повик меѓу Владимир Путин и Доналд Трамп, Песков рече: – Да, така е. Таков разговор е планиран за вторник.

Русија се согласи на ограничен прекин на огнот, или суспензија на нападите врз украинската енергетска инфраструктура за 30 дена, одлуката е донесена по разговорот меѓу Доналд Трамп и Владимир Путин кој траеше околу час и половина, потврди Белата куќа.

Американскиот и рускиот претседател Доналд Трамп и Владимир Путин за време на нивниот телефонски разговор денеска се согласија дека војната меѓу Русија и Украина мора да заврши со „траен мир“ и преговорите за таа цел ќе започнат веднаш, соопшти Белата куќа.

Рускиот претседател Владимир Путин се согласил со предлогот на неговиот американски колега Доналд Трамп, Русија и Украина да престанат да удираат меѓусебно врз енергетската инфраструктура 30 дена.