Во генерален пласман, победник во машка конкуренција на годинешниот Виз Ер Скопски маратон е Хилари Чемвено од Кенија, со постигнато време од 02:13:28, второто место го освои сонародникот Даниел Кипротич со време од 02:13:53, а пиедесталот го дополни македонскиот атлетичар Дарио Ивановски со резултат од 02:16:26. Во женска конкуренција, во генерален пласман, прва на целта стигна Ирин Џеруто исто од Кенија со време од 02:37:52, второпласирана заврши нашата Адријана Поп Арсова со време од 02:39:39, додека третото место ѝ припадна на Вивиен Џелагат) од Кенија со време од 02:44:16. Според резултатите, во конкуренција на македонските тркачи во маратонската трка, први се Дарио Ивановски и Адријана Поп Арсова како најбрзи Македонци на годинешната спортска манифестација, која ги разбуди скопските улици. Gol