Васил Јованов е осуден на 12 години за прегазувањето на младата Фросина Кулакова, изрече денеска судијата во Кривичниот суд.

Во Основниот кривичен суд Скопје денеска треба да биде изречена пресудата за случајот со прегазувањето на Фросина Кулакова, откако на судењето што почна на 9 овој месец обвинетиот Васил Јованов призна вина за делото „тешки дела против безбедноста на луѓето и имотот во сообраќајот“ за сообраќајката што се случи во јануари годинава на булеварот „Партизански одреди“ во Скопје.

По изрекувањето на пресудата за Васил Јованов од 12 години затвор за тоа што ја прегази и ја усмрти Фросина Кулакова на „Партизански одреди“ во Скопје, на пешачки премин, пијан, со пребрзо возење и без воопшто да има возачка дозвола, таткото на загинатата ја напушти судницата уште пред да биде дочитана пресудата.

Македонските дистрибутери и продавачи на електрична енергија ќе имаат шанса од 1 јуни да снабдуваат нови 1000 корисници од косовскиот пазар, каде што започнува следната фаза на либерализација на пазарот со електрична енергија, објавија денеска од Регулаторната комисија за енергетика, водни услуги и услуги за управување со комунален отпад (РКЕ). Ова беше причина, како што се наведува во соопштението, РКЕ да иницира средба, на која косовскиот регулатор пред македонските дистрибутери и продавачи ги презентираше чекорите како полесно да влезат на пазарот кај нив.

Дејан Митески, в.д градоначалник на општина Аеродром во своето гостување во радио Лидер зборуваше за сметот во општината каде посочи дека тие како општина интензивно се борат со ова проблематика односно откога градоначалник на Град Скопје е Данела Арсовска.

Секторот за компјутерски криминал при Бирото за јавна безбедност на Министерството за внатрешни работи периодов констатираше зачестена појава на така наречени фишинг напади преку електронска пошта во која се злоупотребуваат имињата на повеќе македонски компании со цел неовластено прибавување на податоци од нив.

Важно и значајно е граѓаните, односно компаниите да знаат дека пораката не е испратена од вистинската компанија, да не кликнуваат на линковите или прилози во пораката, да не одговараат на пораката.

Поранешниот шеф на Постојаната мисија на Македонија при Обединетите нации во Њујорк, Љубомир Фрчкоски, е осомничен за злоупотреба на службената положба и овластување, откако против него и уште три лица е поднесена кривична пријава за финансиски малверзации тешки над 116.000 долари.