Над 1,34 милиони литри бензин и над 212.000 литри хемиски растворувачи биле дистрибуирани во Грција во текот на 2025 година од членови на меѓународна криминална организација, активна во шверц и фалсификување гориво и во употреба на нелегален софтвер за измама на потрошувачите, а процените се дека вкупната корист од нелегалните активности изнесува најмалку три милиони евра, јави дописничката на МИА од Атина. Грчката полиција ја разби криминалната организација, уапси 22 лица меѓу кои и водачот, дополнително обвинети се уште осум лица, додека, пак, затворени се седум бензински пумпи, а на три се врши проверка.

Српскиот претседател и Александар Вучиќ и премиерот Ѓуро Мацут не биле поканети на Стратешкиот форум во Блед, изјавија од словенечкото Министерство за надворешни и европски работи за Н1 Словенија. Според неофицијални информации, претседателот на Србија побарал покана за Блед, но не ја добил.

Српскиот претседател Александар Вучиќ изјави дека во овој момент не гледа начин на кој опозицијата би можела да победи на изборите, нагласувајќи дека волјата на граѓаните е најважна за него. „Ако господата Тадиќ и Ѓилас победат, ќе им честитам, бидејќи отсекогаш ја признавав волјата на народот.

Поранешниот претседател на Србија, Борис Тадиќ, за телевизијата Нова С, од перспектива на психолог, изјави дека тој би распишал избори доколку би бил на местото на претседателот на Србија, Александар Вучиќ, за да види дали има доверба од граѓаните. „Секако дека би поднел оставка и Вучиќ мора да го стори тоа ако има барем малку политички морал во себе.

Откако синоќа во Народното собрание на Република Српска (НАРС) беше избрана новата, нелегална ентитетска влада, бошњачките претставници во институциите на тој ентитет ја доведоа во прашање нејзината легитимност и уставност, бидејќи мандатарот го предложи Милорад Додик, на кого, според одлуките на Централната изборна комисија на БиХ и Судот на БиХ, му беше одземен претседателскиот мандат. Претседателот на Бошњачкиот клуб во Советот на народите на РС, Алија Табаковиќ, изјави дека целиот процес е доведен во прашање во самата своја суштина, бидејќи Додик повеќе нема право да ја држи функцијата претседател.

Соединетите Американски Држави се придружија на дебатата дали Словенија треба да му забрани влез на поранешниот претседател на Република Српска, Милорад Додик, поради конечната пресуда во Босна и Херцеговина, пишува словенечкиот портал „necenzurirano.si“. Неколку извори од меѓународни дипломатски кругови потврдија во последните денови дека Вашингтон се обидува да влијае и врз Словенија во врска со ова прашање.

Лидерот на ГЕРБ, Бојко Борисов, на маргините на парламентот коментираше за посетата на бугарските претставници на Кина. Тој изјави дека неговата партија намерно не испратила свои луѓе, и покрај добиените покани, бидејќи во делегацијата имало и лидери кои не биле прифатливи за бугарската надворешнополитичка ориентација.

„Владата никогаш не била стабилна – сите ја „тресат“, таа му припаѓа на малцинството“, рече лидерот на ГЕРБ, Бојко Борисов, на маргините на парламентот, а дали Пеевски ќе продолжи да го поддржува „е негова работа“. „Највисоката форма на политичка одговорност во моментов е однесувањето на политичките лидери.