Скандалот што го отвори ВМРО-ДПМНЕ околу наводна злоупотреба на Агенцијата за национална безбедност е уште една политичка конструкција без покритие, со единствена цел да се дефокусира јавноста и да се креира лажна слика пред избори. Тоа денеска го истакна претседателот на СДСМ, Венко Филипче, кој повторно ги повика институциите – веднаш и целосно да ги декласифицираат документите за случајот.

Претседателот на Социјалдемократскиот сојуз на Македонија, д-р Венко Филипче, во рамки на еднодневната работна посета оствари повеќе средби со високи француски политички претставници, на кои во фокусот на разговорите беа реформската агенда и предлог Резолуцијата на СДСМ, како гаранција за заштита на националните интереси и решение за деблокирање на преговите со ЕУ, известија од СДСМ. „Филипче одржа работна средба со пратеничката и потпретседателка на групата за пријателство Франција – Северна Македонија во француското Собрание, Лилиана Танги, со шефот на Канцеларијата за соседство, проширување и одбрана при Генералниот секретаријат за европски прашања, Жозеф Жустиниани, како и со директорот за Континентална Европа при Министерството за Европа и надворешни работи, Брис Рокфеј и со специјалниот претставник за Балканот, Рене Троказ.

Службениците ја пронашле моќната пушка со болт за која се верува дека ја користел атентаторката на активистот Чарли Кирк кога пукал во него, изјави денес специјалниот агент на ФБИ на САД, Роберт Коулс, од канцеларијата во Солт Лејк Сити. „Пронајдена е пушка меѓу дрвјата, од каде што напаѓачот избегал.

Американскиот претседател Доналд Трамп денес објави дека наскоро постхумно ќе му го додели Претседателскиот медал за слобода на американскиот патриот Чарли Кирк, кој беше убиен во среда во обид за атентат во Јута. Зборувајќи на комеморацијата во Пентагон по повод 24-годишнината од терористичките напади од 11 септември 2001 година, Трамп рече дека Кирк бил „гигант од својата генерација, застапник на слободата и инспирација за милиони луѓе“, објави Гардијан.

Конзервативниот коментатор Чарли Кирк беше застрелан и убиен на 10 септември за време на негово предавање на Универзитетот Јута Вали. Настанот се одржуваше на отворено пред голема публика, а снимките од различни агли се проширија на социјалните мрежи.

Управата за финансиска полиција до Основното јавно обвинителство – Кавадарци поднесе кривична пријава против Г.К. и А.Ц., поранешни управители на „Еуроникел Индустри“ ДОО Кавадарци, поради основано сомнение дека извршиле кривични дела Намерно предизвикување на стечај (член 254 став 1 од Кривичниот законик (КЗ)) и Оштетување или повластување на доверители (член 257 став 3 во врска со став 1 од КЗ). Пријавените предизвикале штета од скоро 1,67 милијарди денари, од кои речиси 99 милиони денари штета за Буџетот на Република Македонија. Дополнително, информира Управата за финансиска полиција, пријавените без преземање мерки за наплата на побарувањата, му овозможиле на „Арров Металс Енд Трејдинг АГ“ да се презадолжи, при што до крајот на 2022 година долгот достигнал 1.962.633.269,46 денари.

Според Управата за финансиска полиција, двајцата поранешни управители на „Еуроникел индустри“ во 2021 година склучиле договори со швајцарска фирма со кои обврзале компанијата да купува руда по берзанска цена, а да продава фероникел по 30% пониска цена, со што целата добивка завршувала кај странската компанија. Управата за финансиска полиција поднесе кривична пријава против двајца поранешни управители на компанијата „Еуроникел индустри“ од Кавадарци, осомничени за намерно предизвикување стечај и оштетување доверители.

Мицкоски, Меџити, Фетаи Фото: Влада Мицкоски го брани Фетаи и наместо вицепремиерот им се извини на новинарите: Знам колку енергија вложува да зборува македонски Мицкоски е убеден дека Фетаи во иднина нема да ја повтори грешката, односно дека кога одлучил да говори на албански јазик, со себе требало да понесе преведувач. Премиерот Христијан Мицкоски го оправда вицепремиерот за добро владеење Арбен Фетаи дека одби да одговори на македонски јазик и како што вели, единствена гршка му била дека немал преведувач.

За непочитувањето на вицепремиерот Арбен Фетаи кон македонскиот јазик и одбивањето да одговори кон новинарите, премиерот Христијан Мицкоски вели дека има исклучително квалитетна комуникација со него на англиски јазик, затоа што тој од својата шеста година е отселен од Македонија и живеел во Белгија. Премиерот вели дека Фетаи течно говори на четири јазици – француски, англиски, холандски итн.

Членовите на собраниската Комисија за надзор на Агенцијата за национална безбедност (АНБ) и Агенцијата за разузнавање (АР) денеска ќе ја посетат Агенцијата за разузнавање, откако вчера беа во надзорна посета на АНБ поради наводите за незаконско прислушување. Информациите што излегоа во јавноста укажуваат дека во периодот од 2019 до 2024 година биле следени новинари, бизнисмени, па дури и актуелниот премиер Христијан Мицкоски додека бил лидер на опозицијата.