Од партијата информираат дека одлуката на Извршниот одбор за отпочнување коалициска соработка со ВМРО-ДПМНЕ е неприфатлива, поради, како што велат, многубројни критики, разочарување и револт меѓу членството. Дел од раководството на Партијата на пензионери на централно и локално ниво, заедно со членови и поддржувачи од повеќе општински организации, денеска на прес-конференција објавија дека на претстојните локални избори ќе продолжат со поддршка на досегашниот коалициски партнер СДСМ.

Пред локалните избори, дел од раководството на Партијата на пензионери излезе на прес – конференција и кажа дека на претстојните избори ќе го поддржат СДСМ, иако претседателот на партијата во јуни соопшти дека ја напуштаат коалицијата со СДСМ и започнуваат соработка со ВМРО-ДПМНЕ. Прес- конференцијата ја одржа потпретседателот на Партијата, Миле Андоновски кој рече дека го поддржува и другиот претседател на партијата Добре Ефремовски, но дека го поддржуваат и многу членови кои биле незадоволни од коалицијата со ВМРО-ДПМНЕ.

СВР Скопје го расчисти случајот со нападот врз девојче од Чаир, извршен од страна на малолетнички, кои го снимале настанот и го објавиле на социјалните мрежи. По преземени мерки и активности од страна на полициски службеници од ЕВР Центар и Бит Пазар, утврдено е дека на 20.06.2025 околу 14:00 часот на ул. „Павле Илиќ“ во Скопје, во близина на угостителски објект, 11-годишно девојче било физички нападнато од страна на три девојчиња, а едно девојче го снимало нападот со мобилен телефон.

Додека на Македонија ѝ се случува масовен егзодус, владејачкото мнозинство, заглавено во политичка ароганција, нема никаков слух за суштинските потреби на младите, велат од Левица. На денешната собраниска седница, само 19 пратеници гласаа „За“ пакетот закони поднесен од Левица, со кои се адресираа најгорливите проблеми на младите и младите семејства (како домување и економска сигурност), соопшти партијата.

Левица попладнево критикува дека власта е глува пред крикот на младите откако не се изгласа пакетот на закони поднесен од партијата во опозиција. Според пратеничката Јована Мојсоска, додека на Македонија ѝ се случува масовен егзодус, владејачкото мнозинство, заглавено во политичка ароганција, нема никаков слух за суштинските потреби на младите.

Владејачката партија ВМРО-ДПМНЕ предупредува дека од ДУИ не можат да ја делат Македонија, туку можат да завршат во затвор. Од владејачката ВМРО-ДПМНЕ велат дека ДУИ е во очај и дека лидерот Али Ахмети се враќа 24 години наназад со теми од конфликтот во 2001 година за да ја прикрие, како што велат од партијата, сопствената одговорност за корупцијата, сиромаштијата и за масовното иселување на Албанците и на другите граѓани во изминатите две децении.

ВМРО-ДПМНЕ излезе со свој став по вчерашната порака на лидерот на ДУИ, Али Ахмети при партискиот настан во општина Чаир. Оттаму тврдат дека ДУИ е во очај штом Ахмети се враќа 24 години наназад со тезите.

Општина Кочани доби уште еден независен кандидат за градоначалник. После Венко Крстевски, актуелен в.д. на таа функција, кандидатура поднесе и Зоран Тодоров, чие име беше спомнувано како можен кандидат за градоначалник на една од двете најголеми партии во државата.