Градоначалникот на Општина Центар, Горан Герасимовски, и официјално го откри новиот мурал на улица „Орце Николов” во Дебар Маало, посветен на култната детска серија „Бушава азбука”. Со овој чин свечено се одбележаа 40 години од нејзиното прво емитување.

Под мотото „Жените ја движат промената“, денес во Чаир беше претставен сеопфатен пакет мерки за поддршка на жените, со кој се отвора нова ера на реална грижа и поддршка за хероините на секојдневието, се наведува во соопштението од ДУИ. Во своето обраќање, кандидатот за градоначалник на Чаир Бујар Османи истакна дека Фондацијата „Раката на Чаир“ ќе биде столбот на овој пакет, насочена кон финансиска и социјална помош за самохрани мајки, жени во ранливи категории и сите оние на кои општината предолго им свртила грб.

Кандидатот на Националната алијанса за интеграција за општина Чаир, Бујар Османи, денес го претстави својот концепт за почист Чаир. „Формирање на ново комунално претпријатие ‘За чист Чаир’“, рече Османи, обврзувајќи се на вработување на 120 хигиеничари, со јасен и контролиран систем на работа, се вели во соопштението од ДУИ, кое МИА го пренесува интегрално.

Фото: Општина Бутел Костовски: Повторно подметнат пожар кај градинката во Бутел, до каде ќе оди лудоста? Двајца полицајци се хоспитализирани на Клиниката за токсикологија поради вдишување јаглерод моноксид при гаснењето на пожарот што попладнево избувна во близина на новоизградената детска градинка во дворот на основното училиште „Св. Климент Охридски“ во Бутел, информира градоначалникот на Општина Бутел, Дарко Костовски.

Фото: Принтскрин Пожарот во близина на градинка во Бутел е под контрола, Костовски се сомнева дека е подметнат Пожарот кој попладнево избувна во близина на новоизградената детска градинка во дворот на основното училиште „Св. Климент Охридски“ во Бутел е ставен под контрола. Градоначалникот на Оштина Бутел Дарко Костовски во објава на Фејсбук истакна дека не сака да верува дека овој чин е политички инструиран.

Фото: Општина Центар Се отстрануваат „бекатонките“ од улицата Орце Николов и се става асфалт Екипите на Општина Центар, изминативе два дена изведуваат реконструкција на т.н лежечки полицајци на улицата „Орце Николов“ во Дебар Маало. Старите бекатонки се отстрануваат, а на нивно место се поставува нов асфалт.

Активистката Невена Георгиевска е кандидат за градоначалник на Општина Карпош од граѓанската иницијатива „Независни за Карпош – За заштита на Карпош“. Георгиевска, која е советничка во Советот на Општина Карпош во објава на Фејсбук вели дека одллуката не била лесна, но визијата за Карпош – Општина на граѓаните, според неа, може да ја понуди само граѓански кандидат.