Американскиот претседател Џо Бајден и британскиот премиер Кир Стармер на синоќешната средба во Вашингтон не донесоа одлука да и дозволат на Украина да користи ракети со долг дострел за гаѓање цели во Русија, јавува Би-Би-Си. Претходно, рускиот претседател Владимир Путин го предупреди Западот да не и дозволи на Украина да истрелува ракети со долг дострел кон Русија.

Шефот на британската дипломатија Дејвид Лами денеска го оцени предупредувањето на Русија до Западот, кој ја разгледува можноста да му одобри на Киев употреба на ракети со долг дострел, како „фрлање песок во очите“ и „чаталење“.

Германскиот канцелар Олаф Шолц вчера ја отфрли можноста неговата земја да ѝ обезбеди на Украина прецизно оружје со долг дострел, без оглед на одлуките донесени од сојузниците на НАТО, јави агенцијата ДПА.

Министрите за надворешни работи на земјите од Г7 „најостро“ го осудија испраќањето ирански балистички ракети во Русија.

Тоа се случува во време на најновите напади на Русија врз Украина, вклучително и со балистички ракети и беспилотни летала, кои ја докажуваат нејзината јасна решеност да продолжи со својата брутална агресивна војна против Украина и нејзиниот народ.

Американскиот претседател Џо Бајден на состанокот со британскиот премиер Кир Стармер во Белата куќа рече дека не мисли многу на заканите од рускиот претседател Владимир Путин за војна со НАТО ако западните сојузници и дозволат на Украина да гаѓа цели длабоко во внатрешноста на Русија, пренесува ДПА.