По 20-ти пат се одржува Виз Ер Скопскиот маратон, најмасовниот спортски настан кај нас, кој што Скопје и Македонија ги става на светската тркачка мапа.

„Можам да најавам дека ќе учествуваат неколку елитни натпреварувачи од Кенија и се надевам дека ќе бидат срушени рекордите на патеките.

Синадиновски кажа дека во сите четири трки, рекреативната трка од 5 км, маратонот, полумаратојот и штафетниот маратон е зголемен бројот на учесници во однос на минатите изданија.

Исто така, годинава имало приближен број на женски и машки учесници, односно околу 48 проценти биле жени, а 52 проценти мажи.

Додека патеката за трката на 5 км, стартот е исто пред Собранието, по што натпреварувачите трчаат во правец на населбата Аеродром, односно кај Тутунски комбинат вртат лево, по Трета македонска бригада и кај Супермаркетот Тинекс свртуваат полукружно и се враќаат повторно назад на плоштад Македонија, каде што е целта.“ изјави Кире Синадиновски, спортски директор на Виз Ер Скопски маратон.

Тркачите на маратонот, полумаратонот и штафетниот маратон ќе трчаат накај населбата Хром, по улицата Теодосиј Гологанов, по што кај Хром ќе свртат полукружно, се враќаат назад во центарот на градот, каде продолжуваат покрај Тутунски комбинат, на Трета македонска бригада, по што ќе свртат лево, по улицата Васко Карангелевски, кај Мајчин Дом, па потоа по Булевар Србија десно, тука вртат полукружно, по што се враќаат на Тобако 2 и по Булеварот Јане Сандански, се враќаат повторно на Трета македонска бригада и завршуваат на Порта Македонија, на плоштадот во Скопје.

Голема помош на целосната организација даваат и сите пријавени 600 волонтери, кои ќе бидат вклучени традиционално во реализацијата на овогодинешното јубилејно издание, но секако и сите поддржувачи и покровители на овој голем настан.

Оваа година е јубилејно 20-то издание, првите две изданија беа одржани во 1997 и 1998, но од 2007 година се возобнови Скопскиот маратон, тогаш како полумаратон, трка на 5 км и детска трка, каде што имавме околу 700 натпреварувачи.

На денешната прес конференција, свои обраќања имаа Кире Синадиновски, Спортски директор на Виз Ер Скопски маратон, Зоран Стојановиќ, Претседател на Сојуз на Спортови на Скопје, Гордана Николовска – Генерален секретар на Сојуз на спортови – Скопје и Борко Ристовски – Министер за спорт.

Оваа година има рекорден број учесници“, изјави Зоран Стојановиќ, Претседател на Сојуз на спортови на Скопје.

„Оваа година имаме рекорден број на учесници 13.440 од 55 земји, со што е надминат бројот од 2019 година кога имавме 12.450.