Не верувам во талент, верувам во работа, дисциплина и во доследност, вели српскиот виртуоз на виолина со светско реноме, познат во минатото како чудо од дете- Стефан Миленковиќ . Тој синоќа во Македонската филхармонија одржа концерт со нашиот камерен оркестар Профундис и ја освои публиката со техничката прецизност и вештини при изведбата на популарни дела од 19 век, за кои доби френетични аплаузи, а на крајот присутните не го пуштија да си замине без два биса, на кои соло свиреше дела од Бах.

Полето на делување Миленковиќ одамна го прошири преку настапи со музичари кои изведуваат друг стил музика што не е класична, а повеќе од 25 години е и педагог.

Го паметиме од 80 – тите години на минатиот век како чудото од дете, во бел фрак.

На програмата ќе бидат изведени дела од П.И. Чајковски, Н. Паганини, К. Сен-Санс, Ж. Масне, А. Бацини и од П. Сарасате, ветувајќи музичка вечер проткаена со финеси и грациозност само какви што може да отсвират Стефан Миленковиќ и „Профундис“.