Американскиот Стејт департмент денеска соопшти дека „им забранува и им одзема визи на членовите на Палестинската ослободителна организација (ПЛО) и на Палестинската управа (ПА)“, помалку од две недели пред почетокот на Генералното собрание на ОН во Њујорк. Ова доаѓа откако голем број земји, вклучувајќи ги Франција, Австралија, Канада и Велика Британија, ги најавија своите намери да ја признаат палестинската државност на овој значаен собир.

Претседателот на САД, Доналд Трамп, нареди да се укине заштитата од Тајната служба за поранешната потпретседателка и демократска претседателска кандидатка Камала Харис, пренесуваат американските медиуми. По завршувањето на мандатот, Харис имаше шестмесечна заштита која требало да се продолжи според директива потпишана од нејзиниот партиски колега и поранешен претседател Џо Бајден, непосредно пред напуштањето на Белата куќа.

Актуелниот претседател на Соединетите Американски Држави, Доналд Трамп, ја отповика заштитата од Тајната служба на Камали Харис, според Си-Ен-Ен, повикувајќи се на документ до кој имал пристап. Трамп ја испрати таа наредба во четврток во писмо насловено како „Меморандум за секретарот за внатрешна безбедност“.

Украинскиот претседател Володимир Зеленски изјави дека Москва го искористила времето за да се подготви за состанок меѓу лидерите на двете земји за да започне нови масовни напади врз Украина. „Единствениот начин повторно да се отвори прозорецот на можности за дипломатија е преку строги мерки против сите оние кои ја финансираат руската војска и ефикасни санкции против самата Москва – банкарски и енергетски санкции“, рече Зеленски во објава на платформата X. Во најновиот руски напад врз украинската Запорожје, едно лице беше убиено, а најмалку 24 беа повредени, вклучувајќи три деца, соопшти канцеларијата на регионалниот гувернер порано денес, пренесува Ројтерс.

Од: А1он Шефицата на европската дипломатија, Каја Калас, изјави дека е незамисливо рускиот имот замрзнат во рамките на Европската Унија поради војната во Украина да биде вратен без Русија да плати воени репарации. Воопшто не можеме да замислиме, ако дојде до примирје или мировен договор, тој имот да ѝ биде вратен на Русија, а таа да не плати репарации, изјави Калас за новинарите пред состанокот на министрите за надворешни работи на ЕУ во Копенхаген.

Рускиот претседател Владимир Путин не ја исклучува можноста за средба со украинскиот претседател Володимир Зеленски, изјави денеска портпаролот на Кремљ, Дмитриј Песков. Говорејќи за потенцијален состанок, Песков рече дека Путин смета оти секоја средба на највисоко ниво треба да биде добро подготвена за да може да се финализираат договори кои претходно мора да бидат обработени на експертско ниво.