Денеска беа објавени имињата на сите жртви во оваа несреќа, пишува 192_rs. Загинаа: С.Ф. (2018) Фириќ Сара од Ковиље, Ф.В. (2014) Фириќ Валентина од Ковиље Ѓ.Ф. (1971) Ѓорѓе Фириќ од Ковиље М.А. (2008) Адамовиќ Милица од Каќ Н.К. (2007) Комар Немања од Степановиќево А.Р. (2004) Анѓела Руман од Стара Пазова М.М. (2003) Милош Милосављевиќ Киви од Книќанин Х.С. (1997) Хрка Стефан од Белград А.Ќ.С. (1989) Арбутина Ќириќ Сања од Каќ С.В. (1979) Васко Саздовски, државјанин на Македонија, од градот Свети Николе Г.Р. (1966) Раца Горанка од Нови Сад Р.В. (1955) Вукашин Раковиќ од Буковац К.М. (1948) Милева Карановиќ од Каќ Ш.Ѓ. (1947) Швоња Ѓуро од Степановиќево Да потсетиме, вчера околу 11:50 часот се урна стара настрешница на железничката станица во Нови Сад и во таа прилика загинаа 14 лица, а тројца се тешко повредени.

По големата трагедија во Нови Сад се отвори јавна расправа на тема: дали настрешницата на зградата на железничката станица во Нови Сад била предмет на реконструкција или не? Фотографиите и видеата што ги објавија медиумите, особено во изминатите 24 часа, недвосмислено укажуваат дека нешто е направено на настрешницата оваа пролет.

Но, претставниците на Владата на Србија се уште тврдат дека немало реконструкција или барем тоа што се случило таму во мај и јуни – со сите огради, скелиња и работници на настрешницата – не може да се нарече реконструкција.