Министрите за надворешни и европски прашања на Австрија, Хрватска, Чешка, Грција, Италија, Словачка и Словенија, собрани во групата Пријатели на Западен Балкан, испратија заедничко писмо до шефицата на европската дипломатија Каја Калас и до комесарката за проширување Марта Кос, во кое порачуваат дека е време за решителен напредок во интеграцијата на Западен Балкан во ЕУ и презентираат конкретни чекори за поддршка на регионот на неговиот пат кон ЕУ. Во писмото до Калас и Кос, Пријателите на Западен Балкан наведуваат дека „со агресивната војна на Русија против Украина и другите безбедносни предизвици за нашиот континент, политиката на проширување, една од најефикасните геополитички алатки на ЕУ, доби нова и моќен поттик“, пренесува РТС.

Веројатно претстои најтешката зима за Украина откако Русија ја нападна во 2022 година, изјави денеска генералниот секретар на НАТО Марк Руте, на прес-конференција со премиерот на Црна Гора, Милојко Спаиќ, во седиштето на Алијансата во Брисел.

Земјите на НАТО треба да се вратат на одбранбените буџети од времето на Студената војна за да ја одвратат Русија, изјави во четвртокот генералниот секретар Марк Руте.

Европската Унија мора да се врати на старите шини, кои се темелат на мерит системот, односно на постигнувања, а не на билатерални спорови, изјави денеска премиерот Христијан Мицкоски, одговарајќи на новинарски прашања по состанокот со Советот на странски инвеститори.

Персоналот на унгарската амбасада во Париз добил закана за бомба преку електронска пошта, соопшти денеска шефот на унгарската дипломатија Петер Сијарто.

Светската организација за човекови права „Амнести интернешенел“ објави извештај со наслов „Дигитален затвор: Надзор и репресија на граѓанското општество во Србија“, кој открива како властите во Србија, преку Безбедносно информативната агенција (БИА) и полицијата, незаконски шпионирале мобилни телефони на активисти кои организирале протести, членови на невладини организации и независни новинари, пренесоа српските медиуми.