Петтото коло од француското првенство почна со импресивна победа на фудбалерите на Ница, кои на домашен терен го декласираа составот на Сент Етјен со преубедливи 8-0. Особено импресивно домаќините делуваа во првото полувреме, во кое за помалку од 40 минути постигнаа дури шест гола и на одмор заминаа со убедливи 6-0. Катастрофата на гостите беше најавена со автоголот на Батубинсика во 4.минута, три минути подоцна прецизен беше Ндомбеле за 2-0, а до крајот на полувремето меѓу стрелците се запишаа и Чо, Мукоко (два гола) и Гесан.
Со тоа, Ница стана првиот француски тим во 21. век што успеал да постигне шест гола во првото полувреме од еден меч од елитното друштво.