Фудбалерите на Спарта Прага одиграа одличен меч против Салцбург и триумфираа со 3-0, додека Болоња и Шахтер ремизираа без погодоци (0-0) во првото коло на Лигата на шампиони (ЛШ). По само две минути игра, Каиринен донесе водство за Спарта Прага, додека во 42. минута погоди Олатунџи за предност од 2-0. Салцбург не ги искористи своите шанси, па казна стигна и во 58. минута кога Лачи стрелаше за конечни 3-0. Болоња доминираше во дуелот против Шахтер, меѓутоа мрежите мируваа, иако гостите имаа шанса од пенал во четвртата минута први да стигнат во водство.