Манчестер Сити експресно ги разреши сите дилеми околу директорската функција по најавеното заминување на Чики Бегиристаин, откако англискиот првак и официјално го именуваше Хуго Виана како наследник на Шпанецот.
Името на Виана, кој беше спортски директор во Спортинг Лисабон, веднаш беше во преден план по објавата на Бегиристаин, а управата на Сити не само што ги интензивираше преговорите, туку и го потпиша договорот што е со важност од 1 јули 2025 година.