Македонскиот фудбалски репрезентативец, Елиф Елмас, дури во седмото коло ги доби првите минути сезонава во Бундес лигата, откако влезе во игра во 73. минута во триумфот на Лајпциг на гостувањето кај Мајнц (2-0). Тој немаше премногу време за да го покаже својот квалитет, но демонстрираше голема борбеност во тие дваесетина минути, поради што доби и жолт картон.
Елиф Елмас минатиот декември од Италија се пресели во Бундес-лигата, но како што стојат работите македонскиот репрезентативец зимава би можел да се врати експресно назад на Апенинскиот полуостров.