Во Прилеп, утрешниот ден се прогласува за Ден на жалост поради трагично загинатите медицински лица, кои утрово ги загубија животите во тешка сообраќајна несреќа на магистралниот пат Прилеп-Битола.
Поради трагичната сообраќајна несреќа на магистралниот пат Прилеп-Битола во која загинаа три медицински лица од Прилеп, двајца лекари и радиолошка техничарка, претседателот на Советот на општина Прилеп за 18 часот закажа вонредна седница на Советот со единствена точка на дневниот ред – Предлог-одлука за прогласување на ден на жалост во Прилеп.
По извршениот увид на местото на сообраќајката што утрово се случи на патот Прилеп-Битола во која животот го загубија три лица, а едно е повредено, Основното јавно обвинителство Прилеп даде за сообраќајно-техничко вештачење за утврдување на причините за незгодата.
Сообраќајот на магистралниот пат Битола – Прилеп кај клучката „Лагово“ е во прекин поради сообраќајна незгода, информира утрово Авто мото сојузот на Македонија (АМСМ). Оттаму информираат дека сообраќајката се случила утрово околу 8 часот.