Екипата на Олимпија Милано е победник во „македонското“ дерби од Евролигата откако во драматичен натпревар го победи Париз со 79-74. Во двете екипи имаше по еден македонски репрезентативец, за Олимпија настапи Ненад Димитријевиќ, а за Париз - Ти Џеј Шортс.
Претседателот на Кошаркарската федерација на Македонија, Перо Антиќ, заедно со генералниот секретар Владимир Георгиевски, спортскиот директор Марјан Србиновски и селекторот на машката сениорска репрезентација, Александар Јончевски, престојуваат во Милано каде што ќе го следат во живо дуелот меѓу Олимпија и Париз, во рамките на второто коло од Евролигата.