На Широк сокак во Битола за првпат годинава ќе бидат откриени ѕвезди на сите досегашни добитници на наградата „Златна камера 300“ почнувајќи од браќата Манаки.

Директорот на Фестивалот Симеон Мони Дамевски во видео интервју за МИА направено во пресрет на Фестивалот откри дека „Патеката на славните“ ќе почнува од пред киното Манаки и ќе оди кон Офицерскиот дом.

„Патека на славните“ има 18 ѕвезди на кои се впишани имињата на Милтон Манаки, Јанаки Манаки, Питер Бизу, Роби Милер, Џон Сиели, Сер Роџер Дикинс, Крис Менгес, Кристијан Бергер, Валтер Карваљо, Данте Спиноти, Ентони Дод Мантл, Ед Лахман, Ричард Ленжевски, Хозе Луис Алкањ, Били Вилијамс, Јоргос Арванитис, Свен Никвист и Бруно Далбонел.

Меѓународниот собир и натпревар на кинематограферите ќе почне со доделување на наградата Златна Камера 300 за животно дело која годинава му припадна на францускиот кинематографер Бруно Далбонел, како и со доделување на наградата Голема ѕвезда на македонскиот филм, чиј добитник е Димитар Грбевски, македонски филмски и телевизиски монтажер.

Едниот има добиено почесна награда, годинава ќе му доделиме и на вториот постхумно.

Не постои друг град во светот освен Холивуд, каде на главната улица, на Широк сокак, ќе бидат поставени ѕвезди на сите добитници на наградата Златна камера 300 за животно дело со годината кога ги добиле почнувајќи од браќата Манаки, во чие име е направен фестивалот.

Ќе се обидеме да најдеме членови од семејствата кои се живи, разбрав каде може да има, ќе ги поканиме да дојдат, да им ја дадеме наградата за братот кој што никогаш не бил чествуван соодветно.

Добитничка на специјалната награда „Златна камера 300“ за особен придонес во светската филмска уметност е истакнатата полска кинематограферка – Јоланта Дилевска.

Годинашен добитник на наградата Златна камера 300 за животно дело е францускиот кинематографер Бруно Делбонел, кој ќе присуствува на свеченото отворање и ќе ја прими наградата.

Додека пак, во недела на Широк сокак ќе бидат откриени ѕвезди на сите досегашни добитници на наградата Златна камера 300 која се доделува за животен опус со годината кога ги добиле почнувајќи од браќата Манаки.

Традиционално пред Центарот за култура во Битола, во 19.15 е црвениот тепих, а во 19.45 почнува церемонијата на свеченото отворање и проекција на Канскиот хит-филмот „Партенопе“ во режија на Паоло Сорентино, кинематографер Дариа Д’ Антонио.

Годинава ќе бидат откриени 18 ѕвезди.