Имаме комуникација и одлична соработка со министерствата за внатрешни работи од соседните земји, но официјална потврда за бегалци од правдата не е стигната до МВР од ниедна соседна земја, изјави министерот за внатрешни работи Панче Тошковски во врска со недостапноста на Артан Груби и Перпарим Бајрами за органите на прогонот за случајот со криминал во Државна лотарија.

Министерот за внатрешни работи денес присуствуваше на промоција на дипломирани студенти на Факултетот за безбедност – Скопје, а претходно со преостанатиот дел од студентите го испи традиционалното академско кафе, кое се одржува секоја година со студентите и професорите на Факултетот.

Факт е дека сите регистарски таблички на возилата ќе треба да се усогласат со правилникот и со законот, но факт е дека во оваа ситуација не се криви граѓаните заради тоа што некој насила им ги замени табличките.

Кривичниот совет ја одби жалбата на одбраната на Артан Груби да му се укине мерката притвор и го потврди решението на судијата на претходната постапка „Кривичниот совет при Основниот кривичен суд Скопје, постапувајќи по жалба изјавена од одбраната на Артан Груби недостапен за органите на прогон, против решението на судија на претходна постапка, донесе одлука со која ја одби жалбата на одбраната и го потврди решението на судија на претходна постапка со кое му се определува мерка притвор од 30 дена“, информираат од Судот.

Во текот на минатата недела, царинските службеници открија и спречија повеќе обиди за криумчарење разна стока, при што запленети се златни монети, лекови, фотоапарати, делови за мобилни телефони, автоделови, како и опрема за боречки вештини.

Вчера во 20.15 часот во СВР Скопје било пријавено дека е прегазена жена на крстосницата од бул.„Партизански одреди“ и ул.„Франклин Рузвелт“.

По полноќ полицијата приведе кавадарчанец кој преку социјални мрежи му се заканувал на градоначалникот на Кавадарци, Митко Јанчев и неговата фамилија.