Попладнево од 17:35 часот воведена е забрана за движење на сите видови возила во двата правци на патот од Крива Паланка до граничниот премин „Деве Баир“, информираат од Автомот сојузот на Македонија (АМСМ). Според информациите од АМСМ, причина за воведената забрана е сообраќајна несреќа што се случила на овој дел од патот.

Во Берово утрово е измерена најниска температура од -4 степени, соопшти УХМР.

Најстудено утрово е во Берово, -4 степени, а температури под нулата има и во Битола и Прилеп каде што се измерени -2 степена.

Јавната здравствена установа Клиничка болница „Д-р Трифун Пановски“ се оградува од постапката на докторот кој е притворен заради примање на поткуп.

Во вторникот, во 17 часот, во просториите на Клиничка болница Битола, полициски службеници од СВР Битола го лишиле од слобода 64-годишниот М.С., лекар во Хируршко одделение во Клиничка болница Битола.

Жител на Радовишко е осомничен дека пред една недела силувал дванесетгодишно девојче од валандовско село, соопшти денеска Јавното обвинителство на Република Северна Македонија.

Основното јавно обвинителство Гевгелија донесе Наредба за спроведување истражна постапка против едно лице за кое постои сомнение дека сторило кривично дело – Силување дете кое не наполнило 15 години од член 188 став 1 од Кривичниот законик.

Управата за финансиска полиција до Основното јавно обвинителство за гонење на организиран криминал и корупција поднесе кривична пријава против Ж. Т. во својство на Помошник Министер во Министерството за внатрешни работи и против А. С во својство на Раководител на Сектор за набавки, менаџмент и логистика во Министерството за внатрешни работи поради постоење на основано сомнение за сторено кривично дело ЗЛОУПОТРЕБА НА СЛУЖБЕНА ПОЛОЖБА И ОВЛАСТУВАЊЕ од член 353 ст.4 вв ст.1, од Кривичниот Законик, на Република Северна Македонија.