Седум полициски службеници од Кочани и Штип се осомничени за тешки дела против општата сигурност, во врска со пожарот во Кочани и за нив е доставен предлог за определување на мерка притвор.

Предметен јавен обвинител од Специјализираното одделение за гонење на кривични дела сторени од лица со полициски овластувања и припадници на затворска полиција донесе Наредба за спроведување на истражна постапка против седум полициски службеници, Јавното обвинителство (ЈО). Според дејствијата опишани во наредбата, како што соопштија од ЈО, постои основано сомнение дека осомничените сториле кривично дело Тешки дела против општата сигурност.

Судии на претходна постапка при Основниот кривичен суд Скопје, постапувајќи по предлог на Основното јавно обвинителство, за определување мерки за обезбедување присуство против 7 лица, службени лица о во СВР Штип и ПСОН Кочани, осомничени за кривичното дело Тешки дела против општата сигурност, кои доцна попладнево беа спроведени во судот, донесoa решенија со кои: „Се прифаќа предлогот на ОЈО и на сите 7 осомничени, им определи мерка притвор во траење од 30 дена заради постоење на основите од чл. 165 ст.1 т. 1, 2 и точка 3 кај одредени осомничени, односно Опасност од бегство, Околности кои укажуваат дека ќе ја попречат истрагата со влијание врз сведоци и Околности кои укажуваат дека може да го повторат делото.

Законите мора да ги почитуваме сите и дронови не смее да летаат над толпа, рече денеска министерот за внатрешни работи Панче Тошковски.

Министерот за внатрешни работи Панче Тошковски денеска потврди дека по наредба на надлежен јавен обвинител, четворица началници и тројца службеници биле приведени поради нивна поврзаност со дозволата за работа на кабарето во Кочани, кое не ги исполнило законските услови и резултирало со трагичниот пожар на 16 март 2025 година.

Истрагата за несреќата во дискотеката во Кочани каде во пожар 59 лица го загубија животот, а околу 200 луѓе се здобија со тешки телесни повреди се проширува и досега се опфатени вкупно 26 лица.