Ристо Крмзов, бизнисмен од Струмица, ќе помине 30 дена во притвор, потврди неговиот адвокат Ване Андреев.

Ване Андреев, бранител на бизнисменот Ристо Крмзов, за „Скопје1“ потврди дека на неговиот клиент му е одредена мерка 30-дневен притвор.

Одделот за сузбивање на организиран и сериозен криминал криминал, во соработка со Оддел за криминалистичка полиција, Управата за финансиска полиција и Управа за јавни приходи, до Основното јавно обвинителство за гонење на организиран криминал и корупција поднесе кривична пријава против Р.К.(56) , З.К.В.(30) и В.П.(29), сите од Струмица, поради постоење основи на сомнение за сторени кривични дела „злосторничко здружување“, „перење пари и други приноси од казниво дело“ и „даночна измама“, против Г.Т.(48), Д.М.(60), П.К.(67), В.К.(26), K.С.(41), К.М.(40), Н.Ф.(43), М.К.(48), М.М.(68), Е.Т.(61) и З.М.(59), сите од Струмица, за сторени кривични дела „злосторничко здружување“ и „даночна измама“, против С.П.(58), С.М.(58), Л.К.(52), Л.Б.(37), С.Т.(66), М.П.(60), Ј.Т.(44), А.К.(35) и Ј.Г.(66), сите од Струмица, поради постоење основи на сомнение за сторено кривично дело „несовесно работење во службата“, против 15 правни лица од Струмица за „перење пари и други приноси од казниво дело“ и „даночна измама“.„Пријавените Р.К., З.К. и В.П. во текот на 2019 година организирале злосторничко здружување кон кое се приклучиле Г.Т., Д.М., П.К., В.К., K.С., К.М., Н.Ф. – управители на пријавените правни лица, С.П., С.М., Л.К., Л.Б., С.Т., М.П., Ј.Т., Ј.Г. и А.К. – инспектори од УЈП и М.К., М.М., Е.Т., З.М. – овластени сметководители, кое имало за цел остварување на нелегален профит за себе, а на штета на државниот буџет.

Полицијата освен бизнисменот Ристо Крмзов, обезбедила уште две лица во врска со истрагата за злоупотреби и затајување данок, кои се проценуваат дека достигнале околу 15 милиони евра.

Полицијата изутринава го лиши од слобода бизнисменот Ристо Крмзов, за кого беше отворена истрага за злоупотреби кои се проценуваат на околу 15 милиони евра.

Преку координирана акција на Министерството за внатрешни работи – Бирото за јавна безбедност, Министерството за финансии – Управата за финансиска полиција и Управата за јавни приходи и под раководство на Јавен Обвинител кој постапува со интегритет и решителност, се иницира процесот на демонтирање на длабоко вкоренета политичко-криминална структура.

Утрово БЈБ по налог на надлежниот Јавен обвинител приведе неколку лица меѓу кои и Ристо Крмзов, бизнисменот кој долги години профитираше како резултата на блиските врски со политички и еконмски центри на моќ, кој конечно е принуден да одговара пред Законот.

Обвинителството го прецизираше обвинителниот акт во случајот за убиствата на Вања Ѓорчевска и Панче Жежовски.

Насилното одземање на основното право на живот, особено кај дете, не е само чин на суровост и бруталност, туку директен напад врз човештвото, рече обвинителката Жаклина Трајковска во завршниот збор за случајот со убиствата на Вања Ѓорчевска и Панче Жежовски.

По 10 месеци судење и триесетина рочишта денеска во Основниот кривичен суд во Скопје со завршен збор на јавните обвинителки Жаклина Крстевска Јосифовска и Ана Стојковиќ Димитровска почнува последната фаза од судењето за бруталните убиства на 14-годишната Вања Ѓоревска и 74-годишниот Панче Жежовски – случај што донесе колективна болка и остави траен печат во македонското општество.

Обвинителката Жаклина Јосифовска во завршните зборови кажа и дека внукот од сестра на Александар Ѓорчевски, кој бил компјутерски експерт, се понудил да помогне во пронаоѓањето на Вања преку проверка на нејзиниот компјутер.