Министерот за внатрешни работи, Панче Тошковски, информираше дека околу 15 високи полициски функционери добиле откази поради селективно и незаконско издавање дозволи за поседување оружје.

Министерот за внатрешни работи Панче Тошковски денеска го посетил Одделението за персонализација во МВР каде била промовирана новата машина за печатење на лични документи.

Ставена е во функција нова машина, со што се зголемува капацитетот за издавање на возачки дозволи или лични карти, информираше министерот за внатрешни работи Панче Тошковски и упати уште еден повик до македонските граѓани да ги заменат возачките коишто се со старо уставно име заклучно со Нова година.

Комисијата за ревизија на постапките за издавање на дозволи за поседување оружје констатираше дека повеќе од 5 000 предмети не се сработени, а исто така и добар број предмети се сработени спротивно на законските одредби, поради што Одделот за внтарешна контрола по темелна истрага достави до Одделот за дисциплински постапки предлог за спроведување на дисциплински постапки – отказ за околу 15-тина лица коишто биле високи полициски функционери од претходната власт, информираше министерот за внатрешни работи Панче Тошковски.

Зголемување од фантастични 75% за набавка на нови возила за функционерите, предвидува власта, во Буџетот за 2025 година, контрадикторности и расипнички трендови, истакна денеска претседателот на СДСМ, Венко Филипче на денешната прва седница на собраниската Комисија за финансирање и буџет на која што се разгледува Предлог Буџетот за 2025.

Претседателот на Социјалдемократскиот сојуз на Македонија, Венко Филипче, на денешната прес-конференција во одговор на новинарско прашање, посочи дека каматите за кредитот од Унгарија на годишно ниво ќе изнесуваат околу 18 милиони евра.

Со однесувањето на пратениците на ВМРО-ДПМНЕ на вчерашната седница на Комисијата за надзор над Агенцијата за разузнавање и на Агенцијата за национална безбедност јасно е дека власта е свесна дека Бојан Христовски е незаконско поставен за директор на АНБ.

Најавите за дестабилизација и нестабилност од страна на политичката партија ДУИ за првиот човек на СДСМ е само дел од секојдневниот политички фолклор.

Опозициската ДУИ оценува дека вистинското лидерство ја покажува својата сила во моментите на отчетност.

„Во одговор на последните изјави кои ја адресираат ДУИ како фактор на дестабилизација, загрижувачка е леснотијата во користењето на разделувачката реторика и обвинувањата кои во реалноста го удираат мултиетничкиот карактер и еднаквоста во нашата земја“, велат од ДУИ.

ДУИ и некои од нејзините сателити, сега кога се во опозиција, се обидуваат да наметнат лажен политички морал, велат од ВЛЕН.

Коалицијата ВРЕДИ е против одржување на парламентарни избори заедно со локалните.

Генералниот секретар на Демократската унија за интеграција (ДУИ), Фатон Ахмети на денешната прес-конференција истакна дека Предлог-Буџетот за 2025 година не е развоен и демократски.

Министерот за здравство и лидер на АА, Арбен Таравари денеска повторно му препорача на лидерот на ДУИ Али Ахмети повеќе да се фокусира на реформите во партијата и на адаптацијата во опозиција, отколку да бара избори.

Заврши првиот ден од расправата во собраниската Комисија за финансирање и буџет за Предлог-буџетот за 2025 година.

Предлог-буџетот за 2025 година се базира на реални макроекономски претпоставки и фискални проекции и обезбедува непречено функционирање на институциите на државата и редовно сервисирање на обврските, нагласи министерката за финансии Гордана Димитриеска-Кочоска во нејзиното обраќање пред пратениците на првиот ден од комисиската расправа за Предлог-буџетот за 2025 година.