Артан Груби да не бега и да се врати во Македонија, одговорност за криминалот мора да има, порача Миле Лефков од ВМРО-ДПМНЕ на денешната прес-конференција.

СДС и ДУИ го партизираа судството, функционерите на СДС и ДУИ ги злоупотребувале функциите од позиција на политичка моќ поради сопствени лукративни причини.

По донесените решенија на Основниот кривичен суд Скопје со кое е определен притвор за двајца осомничени во истрагата за проневера во Државна лотарија, кои се недостапни на органите на прогонот, Основното јавно обвинителство Скопје вечерва до Министерството за внатрешни работи ќе издаде наредба за објава на национална потерница и изјава за распишување меѓународна потерница, соопшти ЈОРСМ.

На четворица од осомничените во случајот поврзан со „Државна лотарија на РСМ“ им се одземени пасошите, а во текот на денот ќе се одлучува дали за осомничените, кои не се во државата, поранешниот вицепремиер Артан Груби и ексдиректорот на „Лотарија“, Прпарим Бајрами, ќе биде одреден притвор.

Кривичниот суд во Скопје им определи мерка притвор од 30 дена на Артан Груби и Перпарим Бајрами, а мерката ќе биде применета откако ќе бидат пронајдени и станат достапни за органите на прогонот.

Кривичниот суд го прифатил барањето на ЈО за определување на мерката притвор на двајцата осомничени за "Лотарија", Артан Груби и Перпарим Бајрами.

Полицијата од изутрина врши претреси во домовите на поранешниот вицепремиер Артан Груби и порашениот директор на Лотарија, Прпарим Бајрами, а како што објавија дел од медиумите, претреси се вршат на повеќе локации во врска со криминал сторел во Државна лотарија.