Кривичниот суд во Скопје им определи мерка притвор од 30 дена на Артан Груби и Перпарим Бајрами, а мерката ќе биде применета откако ќе бидат пронајдени и станат достапни за органите на прогонот.

Кривичниот суд го прифатил барањето на ЈО за определување на мерката притвор на двајцата осомничени за "Лотарија", Артан Груби и Перпарим Бајрами.

Артан Груби да не бега, да се врати во Македонија и да се соочи до доказите, гласи повикот што владејачката ВМРО-ДПМНЕ денеска го упати до поранешниот прв вицепремиер и висок функционер на ДУИ, кој од вчера се најде меѓу осомничените во случајот Лотарија.

По донесените решенија на Основниот кривичен суд Скопје со кое е определен притвор за двајца осомничени во истрагата за проневера во Државна лотарија, кои се недостапни на органите на прогонот, Основното јавно обвинителство Скопје вечерва до Министерството за внатрешни работи ќе издаде наредба за објава на национална потерница и изјава за распишување меѓународна потерница, соопшти ЈОРСМ.

На четворица од осомничените во случајот „Лотарија“ им се одземени пасошите, а додека во текот на денот ќе се одлучи и дали за останатите осомничени кои се во бегство, поранешниот вицепремиер Артан Груби и екс директорот на Лотарија, Бајрами, ќе биде одреден притвор.

Судија на претходна постапка при Основниот кривичен суд Скопје, постапувајќи по предлог на Основното јавно обвинителство, одреди мерки за претпазливост против четири лица опфатени со истрагата за „Државна лотарија на РСМ“.

Поради сомнежи за криминал во Државна лотарија, утрово, како што се дознава, се извршени неколку претреси во домови низ Скопје.

Полицијата утрово направила претрес во повеќе домови поради сомнежи за организиран криминал во Државна Лотарија на Македонија, јави Плусинфо.