Злоупотреби со притвори, изживување со судења кои траат по 12 часа, неосновани апсења, стигматизирања, политички говори во судница, уништувања на семејства и поигрување со нивните судбини, споро убивање на правдата се дел од политичките злодела на дел од партиските судии на Заев, Филипче, СДС и ДУИ, соопшти ВМРО-ДПМНЕ.

Владата на денешната седница, го разгледала мислењето од Министерство за правда и по сериозна дискусија го задолжила ресорното Министерство да достави предлог за разрешување на републичкиот јавен обвинител пред истекот на неговиот мандат, кое потоа, како што истакна на денешната прес – конференција портпаролката на Владата Марија Митева, ќе го достави до Советот на јавните обвинители.

Нека ме разрешат доколку се утврди тешка повреда во моето работење, одлуката ја оставам на политичарите- изјави републичкиот обвинител Љупчо Коцевски за покренатиот предлог против него, кој денеска се разгледува на владина седница.

Не можам да коментирам без да ги видам наводите од Владата, но од она што го слушнав досега ќе треба да се утврди дали сум направил тешка дисциплинска повреда. ако е така јас сам ќе се повлечам вели државниот јавен обвинител Љупчо Коцевски Коцевски, пред денешната владина седница за неговото разрешување.

Се случува процес на партизација и политички упад во правосудниот систем на државата од страна на власта, истакна на денешната прес-конференција Александар Алексовски од правната комисија на СДСМ.

Зад разрешувањето на јавниот обвинител Љупчо Коцевски се крие обид за инсталација на партиски послушник на власта.

Со цел конечно Македонија да биде правна држава, држава во која лицата од правосудството се водат и постапуваат согласно правните норми, законите и Уставот мора да се стави крај на Трпков и Кацарска судството кои во изминатите години постапуваа заедно со партиските полтрони Коцевски и Русковска, рече на прес конференција пратеникот на ВМРО-ДПМНЕ Бране Петрушевски.

Одбраните судии на СДС и ДУИ играат како „змии“, излегуваат од дупките само кога ќе им засвират Заев, Филипче и Ахмети.

Голем гаф на обвинителот – со изјавата дека ќе се повлече само ако се докаже тешка дисциплинска грешка Љупчо Коцевски кажува дека доколку е лесна грешката или пропустот, тој ќе остане, соопшти ВМРО-ДПММЕ.

Тоа што нема постапка против обвинителот и судијата врз кои Наќе Георгиев и Иџет Мемети влијаеле покажува дека Љупчо Коцевски е пулен на СДС, истакнува Бране Петрушевски, пратеник на ВМРО-ДПМНЕ.