До овој момент нема македонски државјани кои се обратиле за помош или евакуација од Либан, информираа од македонското Министерство за надворешни работи и надворешна трговија.

Командантот на мисијата на НАТО во Косово, КФОР, генерал-мајор Озкан Улуташ денеска во Тирана се сретна со политичкото и военото раководство на Албанија, вклучително и министерот за одбрана Пиро Венгу и командантот на одбранбените сили, генерал-мајор Арбен Кинѓи.

Од денеска до 16 октомври, НАТО ќе распореди околу 200 припадници на новоформираните сојузнички сили за одговор (АРФ) на Западен Балкан, со цел да започнат со обука и да бидат подготвени да им помогнат на членовите на КФОР.

Комитетот на постојаните претставници на владите на земјите членки на ЕУ (Корепер) минатата недела донесе одлука Албанија на 15 октомври да ги започне преговорите по Кластерот 1 – „Основни вредности“, со што преминува во следната фаза од преговарачкиот процес за членство во Унијата и се раздвојува на европскиот пат од земјава.

Бугарскиот европратеник Андреј Ковачев противник на идејата на унгарскиот премиер, Виктор Орбан да посредува во спорот меѓу Скопје и Софија.

Единствената европска преговарачка рамка за Република Македонија нема да пукне, без разлика колку Виктор Орбан ги нуди своите услуги“, вели бугарскиот европратеник Андреј Ковачев од ЕПП по повод одвојувањето на Македонија од Албанија на патот на интеграција во ЕУ. Тој потсети дека поранешниот македонски премиер Никола Груевски побегнал во Унгарија, а голем дел од македонските „медиуми на ВМРО-ДПМНЕ се во рацете на Унгарците и не се, во најмала рака, многу пријателски расположени кон Бугарија, и недостига духот на добрососедство“.

Воопшто не е инвестиција во иден дијалог со Бугарија, напротив – на тој начин само се помага во нивниот предизборен натпревар, да станеме како држава клучна тема на изборите во Бугарија, вели министерот за европски прашања Орхан Муртезани во интервју за „360 степени“ на МРТ 1, за изјавата на министерот за транспорт Александар Николоски во која за лидерот на ГЕРБ, Бојко Борисов, рече дека е политичар обвинуван за корупција, кој спие на пачки злато и евра во неговата спална.

Министерот за европски прашања Орхан Муртезани, денеска имаше средба со новоименуваната амбасадорка на Кралството Холандија во Република Македонија, Узлем Џанел.