Конкурсот за пријавување на студенти, заедно со сите информации и потребни документи согласно критериумите, е достапен на официјалната страна на фондацијата Едуката: educata.mk .Фондацијата Едуката и овојпат фокусот го става на надарените лица-ученици и студенти кои потекнуваат од социјално загрозени семејства, кои немаат финансиски можности, а имаат амбиција за образување.

Стипендистите треба да се за запишани на додипломски студии од прв циклус на Универзитетот “Гоце Делчев“ во Штип и тоа по следните групи: • 2 стипендии за студенти на Факултет за образовани науки -насоки: одделенска настава, предучилишно воспитание, историја и археологија и педагогија • 2 стипендии за студенти на Факултет за информатика -насоки: компјутерско инженерство и технологии, компјутерски науки, применета математика, математика – наставна • 1 стипендија за студент на Музичка академија- насоки: музичка теорија и педагогија, етнокореологија, музички изведувач на флејта, кларинет,труба, виолина, гитара, саксофон и хармоника; соло пеење, пијано, џез гитара, џез труба, џез саксoфон, џез бас, џез пеење • 1 стипендија на студент на Ликовна академија- насоки: клaсично сликарство и вајарство • 2 стипендии за студентите на Факултет за медицински науки – насоки: општа медицина, дентална медицина, фармација, медицински лаборанти, физиотерапевти, акушерки, медицински сестри/техничари, забни техничари/протетичари, оптометрија и очна оптика • 2 стипендии за студентите oд: Електротехнички факултет и тоа: насоки: автоматика и системско инженерство, електроенергетика и обновливи извори на енергија Машински факултет: насоки: машински дизајн и производство, мехатроника, машинско инженерство Факултет за природни и технички науки: насоки: рударство, геологија, инженерство за заштита од животна средина, дизајн за ентериер и мебел, индустриска логистика, инженерство за заштита од животна средина и компјутерски дизајн Фондацијата ќе го следи целокупниот факултетски развој на избраните студенти, сè до нивното завршување, ако бидат исполнети критериумите за добивање стипендија.