За утре е предвидено да се одржи првата конститутивна седница на Комисијата за помилување откако таа е веќе комплетирана со нови членови, информираше претседателката Сиљановска-Давкова денеска на брифинг за медиумите.

Со оглед на фактот што станува збор за средба меѓу претседател на држава и претседател на опозицијата, јас не би можела да изнесувам ставови во аспект на Влада, се надевам дека ќе имаат конструктивен разговор за насоките во кои што ќе се делува во иднина, изјави портпаролот на Владата, Марија Митева, прашана за став околу денешната средба на Претседателката Гордана Сиљановска Давкова со лидерот на СДСМ Венко Филипче.

„Многу релевантни фактори“ кога станува збор за спорот со Бугарија соопшти претседателката Гордана Сиљановска – Давкова, на денешниот брифинг со новинарите.

Интензивирање на дипломатските канали во текот на следниот месец, кога ќе се одржи и Самитот на ЕУ, во насока на презентирање на ставот на земјава за продолжување на процесот на евроинтеграција, најавуваат извори од кабинетот претседателката на државата на денешниот брифинг со новинарите.

Претседателката Гордана Сиљановска Давкова денеска се обрати на централниот настан насловен „Насилство врз младите жени и девојки: сексуално вознемирување, демнење и контролирачко однесување“ што во организација на мисијата на ОБСЕ во Скопје се одржа во Културно-едукативниот центар Лабораториум, а во рамки на 16-те дена активизам против родово-заснованото насилство.

Две од три млади жени или девојки во земјава барем еднаш се соочиле со сексуално вознемирување, демнење и контролирачко однесување, покажуваат истражувањата...

Долгот на централните власти кон Јавното сообраќајно претпријатие (ЈСП) Скопје од јануари идната година ќе изнесува десет милиони евра и Советот треба да дискутира дали воопшто ќе има бесплатен превоз за сите, а не само за студентите од приватните универзитети, изјави денеска градоначалничката на Град Скопје, Данела Арсовска.

Градоначалничката на Град Скопје, Данела Арсовска ја поздравува одлуката на Владата да набави 100 до 120 електрични автобуси за јавен градски превоз од кои најголем дел за Скопје, но смета дека треба да се остави време да се види дали ќе се реализира тоа што го имаат ветено.

Би сакала да им посакам барем еднаш да покажат и да докажат прво пред граѓаните дека она што го кажуваат, ќе можат да го реализираат за да на следните избори имаат поддршка.