На 70. годишна сесија на Парламентарното собрание на НАТО, која се одржуваше од 22 до 25 ноември 2024 година во Монтреал, Канада, учествуваше Делегација од Собранието на Република Македонија.

Претседателот на Собранието на Република Македонија Африм Гаши, денеска, во рамки на официјалната посета на Република Косово, оствари средба со претседателот на косовската Влада Албин Курти, информираа од законодавниот дом.

Министерот за култура и туризам Зоран Љутков, денеска во Владата на Република Македонија ќе оствари билатерална средба со комесарот за културни врски на Јапонија, Шуничи Токура, кој ќе престојува во дводневна работна посета на нашата држава.

Јавното сообраќајно претпријатие (ЈСП) денеска официјално ја започна употребата на шест нови еколошки автобуси на компримиран природен гас (CNG), како дел од проектот „ЕУ за чист воздух“, со кој Европската унија ги поддржа напорите за намалување на аерозагадувањето во Македонија.

— Оваа активност која денес ја спроведуваме е проект вреден 10 милиони евра којшто ќе придонесе за намалување на загадениот воздух, бидејќи тоа е еколошки проблем што го чувствуваме веднаш по почетокот на грејната сезона и со години го зема данокот врз здравјето на граѓаните, изјави амбасадорот на Европската унија во земјава, Михаил Рокас, на примопредавањето на шесте еколошки автобуси во Дирекцијата на ЈСП.

Во текот на изминатата недела мобилни тимови и царински службеници на граничните премини спречија обиди за криумчарење на поголема количина облека, цигари, нови екрани за мобилни телефони, но и употребувани хардверски делови.

Царински службеници на влез на граничен премин Табановце и на граничен премин Богородица во три случаи спречија обид за криумчарење на 442 парчиња облека.