Екипи на Зимската служба на Град Скопје и ЈП „Улици и патишта“- Скопје во текот на изминатата ноќ почнаа со активностите за чистење снег и фрлање на сол на сите булевари и критични точки во градот.

Католичките верници и дел од православните христијани, кои се водат според Грегоријанскиот календар денеска го одбележуваат Раѓањето Христово – Божик.

Скопскиот бискуп и Струмичко-скопски епарх Киро Стојанов упати честитка до граѓаните со католичка вероисповед по повод Божик:- Овие денови голема е радоста во срцата на христијаните токму поради празникот Рождество на нашиот Господ Исус Христос – Божиќ, со кој Бог стана човек и влезе во човечката историја за да го помири човекот со Бога.

Пратениците денеска ги изгласаа двете автентични толкувања од Законот за надворешни работи со кои се отвара можноста да бидат отповикани амбасадорите кои пред да бидат пратени во мисија, не се сослушани пред собраниската Комисија за надворешни работи.

Собранието денеска, во рамки на 27. седница, го донесе Законот за изменување и дополнување на Законот за заштита на децата и усвои четири одлуки: за разрешување на член на Државната комисија за одлучување во управна постапка, постапка од работен однос и инспекциски надзор во втор степен, за изменување на Одлуката за именување претседател, потпретседател, членови и заменици-членови на Националниот совет за евроинтеграции, за изменување на Одлуката за избор на претседатели, заменици на претседателите, членови и нивни заменици на комисиите на Собранието на Република Северна Македонија, како и за изменување на Одлуката за основање на пратенички групи на Собранието на Република Северна Македонија за соработка со парламенти на други држави и избор на претседатели и членови на пратеничките групи на Собранието на Република Северна Македонија за соработка со парламенти на други држави.

По врнежите од снег екипите на општина Ѓорче Петров од раните утрински часови се ангажирани за расчистување на патиштата напиша градоначалникот Александар Стојкоски на социјалните мрежи.

Празничната атмосфера оваа година започна токму од општина Ѓорче Петров, носејќи радост, среќа и заедништво за сите генерации.

Регионалниот центар за управување со кризи – Куманово во текот на вчерашниот ден регистрирал два пожари во две семејни куќи во Куманово.

Плинска боца предизвика пожар во семејна куќа во Куманово, опожарен бојлер зафатил и кровна конструкција на куќа во Черкези, соопштија денеска од Регионалниот центар за управување со кризи Куманово.