Сообраќајот на државните патишта се одвива во зимски услови по влажни коловози со остатоци од кашест снег на коловозот по интервенцијата на дежурните екипи на ЈП Македонија пат.

Од 15:50 часот патниот правец А1 Демир Капија-Смоквица е во целосен прекин и сообраќајот се пренасочува по алтернативниот патен правец Р 1102, информира АМСМ.

Активни забрани за тешки товарни возила: – Тетово-Попова Шапка – КриваПаланка граничен премин Деве Баир – Гостивар-Маврово-Дебар – Гостивар-Стража-Кичево – Пресека – Плетвар Од АМСМ информираат дека сообраќајот на државните патишта се одвива во зимски услови по влажни коловози со остатоци од кашест снег по интервенција од страна на екипите на ЈП Македонијапат.

Најмногу снег во изминатото деноноќие наврна на Попова Шапка 64 сантиметри, во Маврови Анови снежната покривка е 57, во Круешево 36, Дебар 34, Штип 32, Демир Капија 31, Тетово 30, Берово 27, Прилеп 20, Охрид 17, Струмица 15, а во Скопје 11 сантиметри, информира УХМР.

Утрово најстудено е на Попова Шапка каде се измерени -10 степени.

Забрана за сообраќај од 08.05 часот е воведена за тешки товарни возила на патниот правец Тетово – Попова Шапка, а за останатите видови на возила задолжителна е употреба на зимска опрема.

Од АМСМ известуваат дека од 08:50 часот, поради заледеност на коловозот на автопатот „Пријателство“ кај селото Миравци, тешките товарни возила ќе се пренасочуваат преку стариот пат Удово – Демир Капија.