И неверојатно трогателен и смешен, на чело со првокласната камера на Наум Доксевски (‘Домаќинство за почетници’), овој скапоцен камен од филм ќе и даде на публиката уникатна можност да го открие богатиот културен и визуелен пејзаж на Македонија“, изјави дистрибутерот „Филмс бутик“ кој ги има правата за меѓународна продажба на филмот.

Продуценти на филмот се Иван Унковски и Ивана Шекуткоска.

Филмот е драма со примеси на комедија, приказна за љубовта, пријателството и самооткривањето на еден тинејџер, поставена на динамична заднина во која се судираат традиционалните вредности и модерното време.

Иако навлегува во очекуваната тематика на созревање (преку расцутувачка романса, желбата за утврдување на сопствениот идентитет и конфликтот меѓу родителите и децата), културниот контекст, инвентивниот раскажувачки стил на Унковски и сосема извонредната актерска екипа за првпат создаваат уникатно дело кое стои само за себе“, Во разговор со „Варајети“, Унковски зборува дека токму изборот на актерката екипа е еден од најголемите успеси на филмот, укажувајќи дека е пресреќен со изборот на актерите за кои имале неверојатно детален кастинг процес.

Рецензијата на филмскиот критичар Џордан Минцер, насловена „Техно музиката и овчарството се судираат во трогателна приказна за созревањето“, почнува со реченицата : „Замислете си го ‘Безгрижен’ (Footloose) да се случува токму сега во едно мало село во Северна Македонија и ќе ја добиете атмосферата зад трогателниот игран филм деби на сценаристот и режисер Георги М. Унковски, ‘Диџеј Ахмет’“. „Диџеј Ахмет“, на турски и македонски јазик, е драма со примеси на комедија за Ахмет, 15-годишно момче од забито јуручко село во Источна Македонија, кое наоѓа прибежиште во музиката и сонува да стане диџеј додека се справува со очекувањата на татко му, конзервативната заедница и неговото прво искуство со љубовта – девојка која веќе му е ветена на некој друг.