Првиот заменик претседател на Владата и министер за животна средина и просторно планирање, Изет Меџити, министерот за земјоделство, шумарство и водостопанство Цветан Трипуновски и директорот на Управата за хидрометеоролошки работи Игор Лазаровски со швајцарската амбасадорка Вероник Улман потпишаа Меморандум за разбирање преку кој се договори взаемна соработка на проектот „Програмата за управување, користење и заштита на подземните води на Република Северна Македонија“.

Ричард Гренел, пратеникот на американскиот претседател за специјални мисии, изјави дека „милијарди долари се дадени на левичарски невладини организации“ за спроведување на политиките во други земји, пренесува Анадолија.

Претседателката Гордана Силјановска Давкова денеска во штипско Ново Село присуствуваше на одбележувањето на 153 години од раѓањето на Гоце Делчев во зградата каде што учителствувал големиот македонски револуционер, а сега е седиште на ректоратот на Универзитетот „Гоце Делчев“(УГД). Претседателката Силјановска Давкова истакна дека нема посоодветно место за одбележување на раѓањето на македонскиот апостол Гоце Делчев од црквата „Свети Спас“ и од зградата каде што тој учителствувал.

Премиерот Христијан Мицкоски на целата македонска јавност го честита родениот ден на македонскиот великан, идеолог и јунак Гоце Делчев.

Во земјава денеска се одбележуваат 153 години од раѓањето на македонскиот револуционер Гоце Делчев, визионерот, кој пред повеќе од еден век го разбра светот како поле за културен натпревар на народите.

Министерот за европски прашања Орхан Муртезани, денеска и утре ќе престојува во работна посета на Брисел, каде што ќе оствари низа средби со високи претставници на Европската Унија, Европскиот парламент и Европскиот економски и социјален комитет, информираат од Министерството.

Силната поддршка од Европскиот парламент за европерспективата на Северна Македонија беше потврдена на денешните средби во Брисел на министерот за европски прашања Орхан Муртезани со европратениците Тајс Ројтен и Матеј Тонин, кои се известители на ЕП во сенка за земјава.

Заедничко одбележување на 153-годишнината од раѓањето на Гоце Делчев на 4 февруари ќе нема бидејќи Бугарија не добила покана од Северна Македонија, изјави денеска шефот на бугарската дипломатија Георг Георгиев во интервју за БТВ.

Во моментов односите меѓу Софија и Скопје се специфични.